باکی-دا تورک شوراسی خاریجی ایشلر ناظیری‌نین ایجلاسی باشا چاتیب

باکی-دا تورک شوراسینا عضو دؤولت‌لرین خاریجی ایشلر ناظیرلری‌نین نوبه دن کنار ایجلاسی باشا چاتیب.

باکی-دا تورک شوراسی خاریجی ایشلر ناظیری‌نین ایجلاسی باشا چاتیب

تورکدیل‌لی دؤولت‌لرین امکداش‌لیق شوراسی‌نین خاریجی ایشلر ناظیرلری شوراسی‌نین فوق العاده ایجلاسی باکی-دا کئچیریلدی.

ایجلاسدا فخری پرزیدنتین ایستاتوسونون معینلشدیریلمه‌سی، تشکیلاتا عضو اولمایان اؤلکه‌لر، هابئله اولوسلار آراسی تشکیلات‌لارلا علاقه‌لرین گئنیشلندیریلمه‌سی مسئله‌لری موذاکیره اولونوب.

ایجلاسدا ارمنیستان– آذربایجان داغ‌لیق قاراباغ موناقیشه‌سی‌نین حلی یول‌لاری دا موذاکیره ائدیلیب.

خاریجی ایشلر ناظیرلری عضو اؤلکه‌لر آراسیندا ایقتیصادی امکداش‌لیق علاقه‌لری‌نین داها دا گئنیشلندیریلمه‌سی، تشکیلات داخیلینده بیرلیگین گوجلندیریلمه‌سی‌نین واجیب‌لیگینی وورغولاییب‌لار.

تشکیلاتین پرسپکتیو‌لرینی معین ائدن "تورک شوراسی 2025" آدلی یئنی استراتژی ده موذاکیره ائدیلن مسئله‌لر آراسیندا اؤز یئرینی توتوب.

قئید ائدک کی، ایجلاسدا تورکیه‌نی خاریجی ایشلر ناظیری مولود چاووش اوغلو، آذربایجانی خاریجی ایشلر ناظیری ائلمار ممدیاروو، قیرغیزیستانی خاریجی ایشلر ناظیری چنگیز آیداربئکوو، قازاخیستانی خاریجی ایشلر ناظیری مختار تلوبردی ، اؤزبکیستانی خاریجی ایشلر ناظیری عبدالعزیز کامیلوو و تورک شوراسی‌نین باش کاتیبی باغداد آمرئیو تمثیل ائدیب.

خاریجی ایشلر ناظیری مولود چاووش اوغلو باکی-دا کئچیردیگی گؤروش‌لر چرچیوه‌سینده آذربایجانین خاریجی ایشلر ناظیری ائلمار ممدیاروو، قیرغیزیستانین خاریجی ایشلر ناظری چنگیز آیداربئکوو و تورک شوراسی‌نین باش کاتیبی باغداد آمرئیو ایله ایکی‌لی گؤروش‌لر کئچیریب.



ایلگیلی‌لی خبرلر