مصطفی دنیزلی تراختوردان آیریلدی

"آیریلماغیمین سببی کسینلیکله اسپورتیف باشاریسیزلیق دئییل"

مصطفی دنیزلی تراختوردان آیریلدی

مصطفی دنیزلی، ژوئن آیین‌دان بو یانا چالیشدیردیغی تراختور آذربایجان ایله یوللارینی آییردی.

دنیزلی، تراختور تیمینده‌کی وظیفه‌سینی بوراخدیغینی و ایران دا یاشانان حادثه‌لرین بو قراری آلماسین‌دا تأثیرلی اولدوغونو سؤیله‌دی.

سون دؤورده میدانا گلن حادثه‌لرین اؤزلرینی چتینلییه سوخدوغونو، بعضی اویونلارینی اوینایاممادیقلارینی و زامان زامان تیم اتوبوسوندا یاتماق مجبوریتین‌ده قالدیقلارینی بیلدیرن تجروبه‌لی مربی،

"پسیکولوژیک اولاراق چوخ یورولدوم. داها اول ده بوراخماق ایستدیم اما یؤنتیم ایجازه وئرمه‌دی. آیریلماغیمین سببی کسینلیکله اسپورتیف باشاریسیزلیق دئییل. رقیبلریمیزه گؤره ۲ اویونوموز اسکیک. گؤستریلردن دولایی اوینایاممادیغیمیز اویونلاری اویناییب قازانسایدیق، لیگده ایکینجی سیرایا قدر چیخاردیق" ایفاده‌لرینی ایشلتدی.

مصطفی دنیزلی یؤنتیمین‌ده‌کی تراختور، ۱۱ اویون‌دا ۵ اودقو، ۳ برابرلیک و ۳ مغلوبیت آلاراق ۱۸ پوئن ییغدی.

ایکی اویونو اسکیک تراختور، ذیروه‌نین ۷ پوئن گئریسین‌ده ۸.جی سیرادا.

اؤته یاندان، تراختور کلوبو ارتباط و مئدیا اوفیسیند‌ن وئریله‌ن آچیقلامایا گؤره، دنیزلی‌نین یئرینه گئچیجی اولاراق احد شیخ لاری گتیریلدی.



ایلگیلی‌لی خبرلر