علی‌یئودن قاراباغ آچیقلاماسی

"بونون دا باشلیجا سببی ارمنیستان رهبرلیگینین وئریم‌سیز سیاستی، اؤزللیکله ده قاراباغین ارمنیستانا عاید اولدوغو یولوندا‌کی آچیقلاماسیدیر"

علی‌یئودن قاراباغ آچیقلاماسی

آذربایجان پرزیدنتی ایلهام علی‌یئو، داغ‌لیق قاراباغ پروبلئمین‌ده دقت چکه‌ن بیر نتیجه اولمادیغینی سؤیله‌دی.

 علی‌یئو، گؤروشمه‌لر اوچون آذربایجانا گئدن روسییا خاریجی ایشلر باخانی سرگئی لاورووو قبول ائتدی.

آذربایجان جمهورباشقانلیغین‌دان وئریله‌ن آچیقلامایا گؤره، علی‌یئو، ۲۰۱۹ ایلینین روسیا-آذربایجان تیجارتی ایلیشکیلری باخیمین‌دان باشاری‌لی بیر ایل اولدوغونو، ایل سونونا قدر تیجارت حجمین‌ده‌کی آرتیشین یوزده ۲۵ اولاجاغینی ایفاده ائتدی.

 نقلیات ساحه‌سین‌ده ده یاخشی نتیجه‌لر الده ائتدیکلرینی، یاخین دؤورده سامور چایی اوزرین‌ده تیکیله‌ن کؤرپونون آچیلاجاغینی خاطیرلادان علی‌یئو، روسیا-آذربایجان ایلیشکیلرین‌ده دینامیزمین قوروندوغونو بیلدیردی.

داغ‌لیق قاراباغ پروبلئمینه ده توخونان علی‌یئو، بو ایفاده‌لری ایشلتدی: "تأسف کی بو مؤوضوعدا دقت چکه‌ن بیر نتیجه یوخدور. بونون دا باشلیجا سببی ارمنیستان رهبرلیگینین وئریم‌سیز سیاستی، اؤزللیکله ده قاراباغین ارمنیستانا عاید اولدوغو یولوندا‌کی آچیقلاماسیدیر. بو غریبه آچیقلامایا هم سیز هم دیگر اؤلکه‌لرین هائش باشقانلاری (مینسک قروپو) طرفین‌دن اویغون شکیل‌ده جاواب وئریلدیگینه سئویندیم. بیز مینسک قروپو ائش باشقانلاری ایله ایش بیرلیگینی داوام ائتدیره‌جییک. یاخین‌دا آذربایجان و ارمنیستان خاریجی ایشلر باخانلاری گؤروشه‌جک. مذاکیره پروسه‌سینه فعال قاتیلیمینیزی سۆردوره‌جگینیزدن امینیکآرخایینیق".

خاریجی ایشلر باخانی لاوروو دا روسیا ایله آذربایجان آراسین‌داکی تیجارت حجمینین سرعتله آرتاراق، بو ایل ۳ میلیارد دلارا یاخین اولاجاغینی بیلدیردی.

روسیانین آذربایجانا بیرباشا سرمایه‌لرینین ۱،۵ میلیارد دلار اولدوغونو ایفاده ائد‌ن لاوروو، آذربایجاندا روس سرمایه‌لی ۳۰۰دن چوخ شیرکتین فعالیت گؤستردیگینی ایفاده ائتدی.

داغ‌لیق قاراباغ پروبلئمینین سیاسی حلی اوچون داها ائدیله‌جک چوخ ایش اولدوغونو وورغولایان لاوروو، طرفلرین بیرلشمیش میللتلر نظامنامه‌سینین و هلسینکی نهایی سندین‌ده گؤستریله‌ن پرنسیپلرین قارشیدلیغینداکی ایفاده‌لردن چکینمه‌سی لازیم اولدوغونو قید ائتدی.



ایلگیلی‌لی خبرلر