آذربایجان‌دا اقتدار پارتیسی پارلامنتین لغوی اوچون مراجعت ائتدی

احمدوو مطبوعات کونفرانسیندا، یئنی آذربایجان پارتیسی سیاسی شوراسی‌نین آلدیغی توصیه قراری گریی پارتی عضوو میللت وکیل‌لری‌نین پارلامنتین لغو ائدیلمه‌سی اوچون پارلامنته مراجعت ائتدیگینی ایفاده ائتدی

آذربایجان‌دا اقتدار پارتیسی پارلامنتین لغوی اوچون مراجعت ائتدی

آذربایجاندا اقتدار پارتیاسی یئنی آذربایجان پارتیسی (YAP) پارلامنتین لغو ائدیلمه‌سی اوچون پارلامنته مراجعت ائدیب.

یئنی آذربایجان پارتیسی عمومی کاتیبی علی احمدوو تشکیل ائتدیگی مطبوعات کونفرانسیندا، یئنی آذربایجان پارتیسی سیاسی شوراسی‌نین آلدیغی توصیه قراری گریی پارتی عضوو میللت وکیل‌لری‌نین پارلامنتین لغو ائدیلمه‌سی اوچون پارلامنته مراجعت ائتدیگینی ایفاده ائتدی.

 

پرزیدنت ایلهام علیئوین اصلاحات سیاستینی دستکلمک مقصدیله بئله بیر قرار آلدیق‌لارینی ایفاده ائدن احمدوو، قرارین اؤلکه‌نین گلیشمه‌سینه بؤیوک قاتقی تامین ائدجگینی سؤیله‌دی.

اؤلکه‌ده چوخ ساحه‌ده اصلاحات تطبیق اولوندوغونو و گنج کادرلارین وظیفه‌یه گتیریلدیگینی خاطیرلا‌دان احمدوو، یاساما اورقانی‌نین بو رفورم‌لارین خاریجینده قالماماسی لازیم اولدوغونو دوشوندوک‌لرینی وورغولادی.

یئنی آذربایجان پارتیسی عضوو میللت وکیل‌لری‌نین ائتدیگی قرار پارلامنتده موذاکیره ائدیله‌جک و قبول ائدیلدیگی تقدیرده، پرزیدنت علیئوه گؤندریله‌جک.  

آذربایجاندا پارلامنت سئچیم‌لری 1 نوامبر 2015ده ائدیلمیش و پرزیدنت علیئوین عمومی باشقان اولدوغو یئنی آذربایجان پارتیسی، 125 عضو‌لو مجلیسده 71 صندل قازانا‌راق اکثریتی الده ائتمیشدی. بیر سونراکی پارلامنت سئچیمی‌نین نوامبر 2020ده ائدیلمه‌سی گؤزلنیلیردی.



ایلگیلی‌لی خبرلر