آذربایجان روسیایا اعتراض یازیسی گؤندردی

روسیانین آذربایجان‌داکی ائلچیسی میخایل بوچارنیکوو باخانلیغا چاغریلدی

آذربایجان روسیایا اعتراض یازیسی گؤندردی

آذربایجان، ارمنیستانین ایشغالی آلتین‌داکی داغ‌لیق قاراباغیین سؤزده یؤنتیجیلرینین روسیایا سفرلری سببی ایله بو اؤلکه‌یه اعتراض نوتو وئردی.

 خاریجی ایشلر باخانلیغیندان وئریله‌ن آچیقلامایا گؤره، روسیانین آذربایجان‌داکی ائلچیسی میخایل بوچارنیکوو باخانلیغا چاغریلدی و خاریجی ایشلر باخانلیغنین یاردیمچیسی خلف خلفوو طرفین‌دن اؤزونه اعتراض نوتو وئریلدی.

اعتراض یازیسیندا، ایشغال آلتین‌داکی آذربایجان تورپاقلارینین سؤزده یؤنتیجیلرینین روسیایا گئتمه‌سی، اورادا بعضی روس متخصصلر و فیکیر مرکزلرینین نماینده‌لری ایله گؤروشونون تحریباتچی اؤزللیک داشیدیغی، روسیانین دا آراچیلاریندان بیری اولدوغو مذاکیره پروسه‌سینه ضربه ووردوغو قید ائدیلدی.

 سؤز قونوسو سفرین آذربایجان و روسیا آراسین‌داکی صمیمیت و گووه‌نه کؤلگه سالدیغی ایفاده ائدیله‌ن اعتراض یازیسیندا، بونون ایکی اؤلکه آراسین‌داکی دوستلوق، ایش بیرلیگی و گوونلیک قونولو آناشمایلا اویغون گلمدیگی ایفاده ائدیلدی.

آذربایجانین، بو کیمی یاسادیشی سفرلرین قارشی‌سینین آلینماسی قونوسوندا روسیانین لازیم‌ اولان آددیملاری آتماسی گؤزلنتیسی ایچری‌سین‌ده اولدوغو چاتدیریلدی.



ایلگیلی‌لی خبرلر