آذربایجان جمهوریتی باغیمسیزلیق گونونو قوتلاییر

بو گون آذربایجان خالقی ۲۰.جی عصرده ایکینجی دفعه اؤز دؤولتچیلیینین وارلیغینی بشریته بیان ائتدی

1290239
آذربایجان جمهوریتی باغیمسیزلیق گونونو قوتلاییر

۱۸ اکتبر آذربایجان خالقینین تاریخینه شرف، غرور و افتخار حسیله یازیلمیش قوتسال بیر گون‌دور.

بو گون آذربایجان خالقی ۲۰.جی عصرده ایکینجی دفعه اؤز دؤولتچیلیینین وارلیغینی بشریته بیان ائتدی.

۱۹۹۱.جی ایل اکتبرون ۱۸ینده حاکمیت‌ده اولان اقتدار پارتیسی، آذربایجان خالق جبهه‌سینین قبول ائتدیگی مستقیل‌لیک سندی دؤولتین بوتون دونیادا تانینماسین‌دا اساس رول اوینادی. بوندان سونرا آذربایجان دونیانین بؤیوک دؤولتلریله ایکی‌لی، برابر حقوق‌لو و دیپلوماتیک ایلیشکیلر یاراتماغا باشلادی، نفوذلو اولوسلارآراسی تشکیلاتلارا، او جمله‌دن، بیرلشمیش میللتلر تشکیلاتینا (۰۲.۰۳.۱۹۹۲) عضو اولدو. ایندی آذربایجانین سسی آوروپا شوراسینین، بیرلشمیش میللتلرین ذیروه توپلانتیلارین‌دان، یوکسک تریبونلار‌دان ائشیدیلیر.

بو گون آذربایجان تکجه سوسیال-اقتصادی ایستیقامت‌ده دئییل، علم، اینجه صنعت و مدنیت ساحه‌سین‌ده ده دونیانین سرعتله گلیشمک‌ده اولان گنج دؤولتلرین‌دن بیری‌دیر.

شبهه یوخ‌دور کی، آذربایجان بون‌دان سونرا اؤز مستقیللیینی داها دا مؤحکه‌مله‌ندیره‌جک، ایشغال آلتین‌دا اولان تورپاقلاری دوشمن تاپداغین‌دان آزاد ائد‌جک، گله‌جک نسیللر امین-آمان‌لیق شرایطین‌ده قوروجولوق ایشلری ایله مشغول اولاجاق، جمهوریت دونیانین قدرت‌لی دیارلارین‌دان بیرینه چئوریله‌جک.

ت‌رت آذربایجان سایتی و ت‌رت «تورکییه‌نین سسی» رادیوسو دؤولت موستقیل‌لیگی گونو موناسیبتیله دونیانین بوتون آذربایجان‌لیلارینی اورک‌دن تبریک ائدیر.



ایلگیلی‌لی خبرلر