اویغور تورکلرینه دایر لایحه اونایلاندی
"اویغور انسان حاقلاری سیاستی یاساسی" باش‌لیق‌لی قانون لایحه‌سی سناتدان گئچدی
آمریکا بیرلشمیش دؤولتلری سناسی، چینین اویغور تورکلرینه قارشی اویقولامالارینا دایر جامع راپور حاضرلانماسینی اؤن گؤرن قانون لایحه‌سینی اونایلادی.
دموکرات سناتور باب منندز و جمهوریتچی سناتور مارکو روبیو طرفین‌دن سونولان "اویغور انسان حاقلاری سیاستی یاساسی" باش‌لیق‌لی قانون لایحه‌سی سناتدان گئچدی.
بونا گؤره، آمریکا بیرلشمیش دؤولتلرینین ایلگیلی قوروملارین‌دان، "چین حکومتینین اویغور اؤزارک بؤلگه‌سین‌ده تطبیق ائتدیگی باسقی" و "تخمیناً ۱ میلیون اویغور تورکونون توپلاما کمپ‌لرینه یئرلشدیریلمه‌سینه" دایر گئنیش راپور حاضرلاماسی طلب ائدیلدی.
دیگر طرف‌دن لایحه‌ده، آمریکا بیرلشمیش دؤولتلرینده یاشاییب چینین تطبیق ائتدیگی بو باسقیلارا قارشی حرکته گئچه‌ن اویغورلارین دوغو تورکوستانداکی عائله عضولرینه قارشی تهدید و قاچیرما ائیلملرینین ده آراشدیریلماسی طلب اولوندو.
چین‌ده سون ایللرده اویغور تورکلرینین یاشادیغی اویغور اؤزارک بؤلگه‌سین‌ده تعلیم مرکزی آدی آلتین‌دا فعالیت گؤستره‌ن کمپلر ایله اویغورلارین کیملیک و مدنیتلرینه قارشی پوزونتولار اولوسلارآراسی توپلوم طرفین‌دن تنقید ائدیلیر.
بیرلشمیش میللتلر اینسان حاقلاری شوراسینا عضو ۲۲ اؤلکه، ۱۱ ژوئیه‌ده چینین، اویغور اؤزارک بؤلگه‌سین‌ده اویغور تورکلری و دیگر آزینلیقلارا قارشی توتومونو تنقید ائد‌ن و کوتلوی گؤزآلتیلارین دوردورولماسی چاغریسی ائد‌ن مکتوب ایمضالامیشدی.
اینسان حاقلاری ایزله‌مه هؤرگوتونون (HRW) راپورون‌دا، سون ۲ ایلده اویغور اؤزارک بؤلگه‌سین‌ده چوخ ساییدا اینسانین "اؤنله‌دییجی پلیسیه تدبیر" آدی آلتین‌دا سوچسوز یئره ساخلانیلدیغی و سیاسی باخیم‌دان تهلوکه‌لی حساب ائدیله‌ن شخصلرین هر هانسی بیر محکمه قراری اولمادان توپلاما کمپ‌لرینه گؤندریلدیگی معین ائدیلمیشدی.
