آتامبایئوین ائوینه ایکینجی عملیات
"بو فردی چیخارلارینی دؤولتین چیخارلاری اوزرینه قویان اؤزل بیر ایراده ایله حقوق موباریزهسیدیر"
قیرقیزیستان گوونلیک گوجلری، اسکی پرزیدنت آلمازبک آتامبایئوی گؤزآلتینا آلماق اوچون ایکینجی دفعه عملیات باشلاتدی.
گوونلیک گوجلری، گون اورتا ساعاتلاریندا، آتامبایئوی گؤزآلتینا آلماق اوچون باشکند بیشکئکین گونئیینده یئر آلان چوی بؤلگهسینه باغلی کوی-تاش کندیندهکی ائوینین اؤنونه گئتدی.
شاهیدلره گؤره، دونن گئجه گیروو آلینان ۶ گوونلیک گؤرهولیسی سربست بوراخیلدی و گوونلیک گوجلری سس بومباسی آتاراق آتامبایئوین ائوینین یئر آلدیغی اراضییه گیردی.
سوسیال مئدیاداکی پایلاشیملاردا، عملیات اؤنجهسینده آتامبایئوین ائوینین اولدوغو بؤلگهده آرالاریندا چوخ ساییدا قادینین یئر آلدیغی یوزلرجه دستکچیسینین گوونلیک گوجلرینه دیرندیگی گؤرولدو. عملیاتین باشلاماسییلا پلیس، کوی-تاش کندینه گئدن یوللاری باغلایاراق اسکی پرزیدنتینین ائوینین اولدوغو بؤلگهیه پیادا و آراج گیریشینه ایجازه وئرمهدی.
جیب تلفنو و اینترنت سیگناللارینین دا کسیلدیگی بؤلگهده، آتامبایئوه دستک اوچون ائوینه گئتمک ایستهیهن وطنداشلارلا پلیسلر آراسیندا زامان زامان قاریشیقلیق یاشاندی.
اؤته یاندان پرزیدنت سوورونبای جنبکوو، مجلیس باشقانی داستانبک جومابکووون باشقانلیغیندا اولاغاناوستو توپلانان باش قورولا خطاب ائتدی.
پرزیدنت جنبکوو، آتامبایئو ایله فردی پروبلئم یاشادیغی یولونداکی تنقیدلره باغلی،
"بو ایکی نفرین دارتیشماسی دئییل. بو فردی چیخارلارینی دؤولتین چیخارلاری اوزرینه قویان اؤزل بیر ایراده ایله حقوق موباریزهسیدیر" دئدی.
آتامبایئو و دستکچیلرینین، گوونلیک گوجلرینه سرت شکیلده قارشیلیق وئردیگی عملیاتدا بیر گوونلیک گؤرهولیسی حیاتینی ایتیرمیش، بؤلگه گوونلیک مودورو باشیندان آلدیغی ضربه ایله کومایا گیرمیشدی.
اسکیه پرزیدنتینین ائوینده ۱،۵ آیدیر کئشیک توتان دستکچیلری ایله گوونلیک گوجلری آراسیندا چیخان اولایلاردا ۲۵ نفری گوونلیک گؤرهولیسی ۴۵ نفر یارالانمیشدی. آتامبایئین توخونولمازلیغی مجلیس طرفیندن ۲۷ ژوئنده قالدیریلمیشدی.
میللی گوونلیک دؤولت کمیتهسی اؤزل حرکات قروپو، مافیا لیدئری عزیز باتوکایئوین ۲۰۱۳ده یاسادیشی اولاراق سربست بوراخیلماسییلا ایلگیلی داوام ائدن سوروشدورما چرچیوهسینده شاهید اولاراق سؤزلرینی ائشیدمک اوچون آتامبایئوین ائوینه دونن آخشام ساعاتلاریندا عملیات تشکیل ائتمیشدی.
گوونلیک گوجلری، سحره یاخین عملیاتی یاریدا کسهرک بؤلگهدن آیریلمیشدی. آتامبایئو، اؤلکهنی ۲۰۱۱-۲۰۱۷ ایللری آراسیندا ایداره ائتمیشدی.