اؤزبکیستان ایلین ایلک یاری‌سیندا 5،8 فایز اینکیشاف ائتدی

اؤزبکیستانین عمومی داخیلی محصولونون (GSYH) ایلین ایلک یاری‌سیندا 5،8 فایز آرتا‌راق 222 تریلیون 22 میلیارد سوما چاتدیغی بیلدیریلدی.

1243048
اؤزبکیستان ایلین ایلک یاری‌سیندا 5،8 فایز اینکیشاف ائتدی

اؤزبکیستانین عمومی داخیلی محصولونون (ÜDM) ایلین ایلک یاری‌سیندا 5،8 فایز آرتا‌راق 222 تریلیون 22 میلیارد سوما چاتدیغی بیلدیریلدی.

اؤزبکیستان دؤولت ایستاتیستیک کومیته‌سی ایلین ایلک یاری‌سینا دایر عمومی داخیلی محصول گؤستریجی‌لرینی آچیقلاییب.

آچیقلامایا گؤره، 2019-جی ایلین ژانویه –ژوئن دؤورونده اؤلکه‌ده عمومی داخیلی محصول اؤتن ایلین عینی دؤورو ایله موقاییسه‌ده 5،8 فایز آرتا‌راق 222 تریلیون 22 میلیارد سوما (تخمینا 26 میلیارد دول‌لار) چاتیب.

همین دؤورده صنایع سئکتورو 6،9 فایز، تاریم، مئشه و بالیقچی‌لیق سئکتورو 2،1 فایز، تیکینتی سئکتورو 20 فایز، نقلیات و لجستیک سئکتورو 5،1 فایز، خیدمت‌لر سئکتورو ایسه 4،1 فایز آرتیب.

ژانویه- ژوئن دؤورونده عمومی داخیلی محصول-ده صنایع نین پایی 30،3%، تاریم، مئشچی‌لیک و بالیقچیلیغین پایی 24،3 فایز، تیکینتی سئکتورونون پایی 7،6 فایز، خیدمت‌لر سئکتورونون پایی ایسه 37،8 فایز تشکیل ائدیب.

اؤتن ایل اؤزبکیستانین عمومی داخیلی محصولو 5،1 فایز آرتیملا 407 تریلیون 514 میلیارد سوما چاتارکن، بو چرچیوه‌ده صنایع اوره تیمی 10،6 فایز، تاریم، مئشه و بالیقچی‌لیق سئکتوروندا 0،3 فایز، تیکینتی سئکتوروندا 9،9 فایز، خیدمت‌لر سئکتوروندا 5،4 فایز آرتیم قئیده آلینمیشدی.

اؤزبک حکومتی بو ایل عمومی داخیلی محصولون اورتا حسابلا 5 فایز آرتماسینی نظرده توتور. دونیا بانکی‌نین یئنی‌لنمیش قلوبال اقتصادی گؤزلنتی‌لر راپوروندا دا اؤزبکیستانین عمومی داخیلی محصولونون 2019-جی ایلده 5،3 فایز آرتیم گؤسترجگی احتیمال ائدیلیر.



ایلگیلی‌لی خبرلر