قازاخیستان-دا باش وئرن پارتلاییش نتیجهسینده اؤلنلرین سایی 2-یه چیخیب
قازاخیستانین تورکوستان ویلایتینین آریس شهرینده یئرلشن حربی حیسهنین سلاح-مهمات انباریندا باش وئرن پارتلاییش نتیجهسینده اؤلنلرین سایی 2-یه چاتیب، یارالی سایینین ایسه 89 اولدوغو بیلدیریلیب.
قازاخیستانین تورکوستان ویلایتینین آریس شهرینده یئرلشن حربی حیسهنین سلاح-مهمات انباریندا باش وئرن پارتلاییش نتیجهسینده اؤلنلرین سایی 2-یه چاتیب، یارالی سایینین ایسه 89 اولدوغو بیلدیریلیب.
بونونلا باغلی معلوماتی قازاخیستان ساغلیق ناظیرلیگی یاییب.
قازاخیستان پرزیدنتی قاسم جومرت توکایئو خسته خانالارداکی یارالیلارا و یاخین قصبهلرده قورولان تخلیه مرکزلریندکی آریس کندی ساکینلرینه باش چکهرک وضعیتلری بارهده معلومات آلیب.
خاطیرلاداق کی، قازاخیستانین گونئی ینده یئرلشن تورکوستان ویلایتینین 44 مین نفر اهالیسی اولان آریس شهری یاخینلیغیندا یئرلشن حربی حیسهلرین بیرینده دونن سحر ساعاتلاریندا یانغین باش وئریب. بوندان سونرا سلاح انبارینداکی دؤیوش مهمات لاری پارتلاماغا باشلاییب. شهرین بوتون اهالیسی تخلیه ائدیلیب.
سلاح انباریندا باش وئرن یانغینین سببینین آراشدیریلماسی اوچون کمیسیون قورولارکن، مودافعه ناظیرلیگی انبارداکی سلاح-مهماتین تقریباً یاریسینین پارتلادیغینی بیلدیرمیشدی.