قوزیی قیبریس تورک جمهوریتی نین باش ناظیری تاتاردان قرارلی لیک وورغوسو

قوزیی قیبریس تورک جمهوریتی‌نین باش ناظیری ارسین تاتار حکومتی‌نین تورکیه ایله مشورت و امکداش‌لیق ایچینده روم طرفی‌نین وضعیتی قیبریس تورکونون علیهینه ایستیفاده ائدیلمه‌سینه "دایان" دئمک موضوع سوندا قرارلی اولدوغونو بیلدیردی.

1221415
قوزیی قیبریس تورک جمهوریتی نین باش ناظیری تاتاردان قرارلی لیک وورغوسو

قوزیی قیبریس تورک جمهوریتی‌نین باش ناظیری ارسین تاتار حکومتی‌نین تورکیه ایله مشورت و امکداش‌لیق ایچینده روم طرفی‌نین وضعیتی قیبریس تورکونون علیهینه ایستیفاده ائدیلمه‌سینه "دایان" دئمک موضوع سوندا قرارلی اولدوغونو بیلدیردی.

تورک آژانسی قیبریس-ین (تاک) خبرینه گؤره، تاتار یازیلی آچیقلامادا حکومت اولا‌راق اساس هدف‌لری‌نین قیبریس مسئله سینده خالقین قانونی حاق و ماراق‌لاری‌نین قورونماسی اولدوغونو وورغولادی.

تاتار "حکومتیمیز آنا وطن تورکیه ایله مشورت و امکداش‌لیق ایچینده روم طرفی‌نین وضعیتی قیبریس تورکونون علیهینه ایستیفاده ائدیلمه‌سینه "دایان" دئمک موضوع سوندا قرارلی ‌دیر. بونون اوچون ده اولوسلار آراسی شرایط و باش ورن‌لرله اویغون شکیلده فعال سیاست تعقیب ائدجییک.

روم طرفی‌نین آچیقلاما‌لاری، ایستک‌لری و تعقیب ائتدیگی سیاسته گؤره قیبریس موضوع سوندا فدرال حل یولو تاپیلماسی‌نین غیری-مومکون اولدوغونو بیلدیرن تاتار آچیقلاماسیندا "بو وضعیتی دیرلن‌دیرن حکومتیمیز بیر طرف‌دن آوروپا بیرلیگی ترکیبینده ایکی آیری دؤولت‌لی حلی گوندمه گتیررکن، دیگر طرف‌دن ده ماراش موضوع سوندا بیر آددیم آتماغی اویغون گؤره‌رک حرکته کئچمیش‌دیر" ایفاده‌لرینی ایشلدیب.

دیگر طرف‌دن، قوزیی قیبریس تورک جمهوریتی باش ناظیرینین معاوینی و خاریجی ایشلر ناظیری کودرت اؤزارسای قاپا‌لی اولان ماراش بؤلگه‌سی‌نین آچیلماسی اوچون فعالیت‌لری باشلاتما قرارینا گلدیک‌لرینی آچیقلادی.

تورک آژانسی قیبریس-ین خبرینه گؤره، ناظیرلر کابینه ییغینجاغی داوام ائدرکن مطبوعات آچیقلاماسی وئرن اؤزارسای باغلی اولان ماراش بؤلگه‌سینه دایر قبول ائدیلن قراری اعلان ائتدی.

ماراش-دا علمی بیر اینوئنتار فعالیتی گؤستریلمه‌سی اوچون آددیم آدیلماسینا دایر قرارا گلدیک‌لرینی بیلدیرن اؤزارسای دئییب کی، اولوسلار آراسی ساحه‌ده فعالیت گؤسترن شخص‌لردن ده ایستیفاده ائدیله‌رک تشکیل ائدیله‌جک اکیپاژ باغلی توتولان ماراش‌داکی اراضی سندلری قئیدیات‌لاری، هر نوع املاکین وضعیتی، وقف املاک‌لاری‌نین معین ائدیلمه‌سی، آلت یاپی نین وضعیتی، چئوره باخیمیندان تهلوکه‌لی عنصورلار کیمی موضوع لاری احاته ائده‌جک اطراف‌لی اینوئنتار فعالیتی گؤسترمک و بونو باش ناظیر معاوینی و خاریجی ایشلر ناظیرلیگینه آرایش تقدیم ائتمکده وظیفه‌لن‌دیریله‌جک.

اؤزرسای اینوئنتار فعالیتین‌دن سونرا مولک ییه‌لری ایله وقف‌لر ایداره سی‌‌نین حاق‌لارینا ضرر وئرمه‌یه‌جک شکیلده فعالیت باشلادیلاجاغینی بیلدیردی.

قاپا‌لی ماراش اولا‌راق آدلان‌دیریلان بؤلگه 1960 و 70-جی ایللرین ان فاووریت توریزم بؤلگه‌لرین‌دن بیری ایدی.

قازی ماغوسانین ترکیب حیسه‌سین‌دکی ماراش بؤلگه‌سی 1974-جو ایلده قیبریس باریش حرکاتین‌دان سونرا بمت تهلوکه‌سیزلیک شوراسی‌نین آلدیغی قرارا گؤره هم مسکونلاشما، هم ده مسکن تیکیلمه‌سینه باغلانمیشدی.

او تاریخ‌دن بری‌دیر قاپا‌لی اولان ماراش بؤلگه‌سیندکی املاک‌لارین دییشیک اؤلکه‌لردن ییه‌لری اولسا دا اراضی تامامیله وقف‌لر ایداره‌سینه عاییددیر.



ایلگیلی‌لی خبرلر