قیرقیزیستان، شانگای امکداش‌لیق تشکیلاتی ذیروه‌سینه ائو صاحب‌لیگی ائده‌جک

ذیروه‌یه، افغانیستان، بلاروس، ایران و موغولوستان لیدرلری ده موشاهیدچی قیسمینده قاتیلاجاق

قیرقیزیستان، شانگای امکداش‌لیق تشکیلاتی ذیروه‌سینه ائو صاحب‌لیگی ائده‌جک

قیرقیزیستان، صاباح، شانگای امکداش‌لیق تشکیلاتی دولت باشقانی‌لاری ذیروه‌سینه ائو صاحب‌لیگی ائده‌جک.

شانگای امکداش‌لیق تشکیلاتی باشقانلیق قیرقیزیستان پرزیدنتی سوورونبای جئنبکووون باشقانی‌لیق عضو اؤلکه لیدرلر ذیروه‌سینده چین، روسیا، قازاقیستان، قیرقیزیستان، اؤزبکیستان، تاجیکیستان و پاکیستان دولت باشقانی، هیندیستان ایسه باش ناظیر سویه‌سینده تمثیل ائدیله‌جک.

ذیروه‌یه، افغانیستان، بلاروس، ایران و موغولوستان لیدرلری ده موشاهیدچی قیسمینده قاتیلاجاق. تشکیلاتین اینکیشافی‌نین یانیندا عضو دولت‌لری ماراقلان‌دیران بؤلگه‌سل و اولوسلار آراسی موضوعلارین دا اله آلیناجاغی ایجلاسین آردین‌دان تشکیلاتین بیشکک بیلدیریسی قبول ائدیله‌جک.

تخمینن 5 مین امنیت ایشچی‌سی‌نین وظیفه ائدجگی ذیروه اوچون قیرقیزیستان، چین‌دن اوتوبوس، جیپ و زیرئه‌لی پولیس واسطه‌لری، روسیادان زیرئه‌لی 5 لوکس واسطه، میکرو اوتوبوس‌لاردا و  عدد 2 Mİ-8 تیپ‌لی هلیکوپتر کمکی آلدی. بؤلگه‌ده باریش، امنیت و ثابیتلیگین اورتاق تامین ائدیلمه‌سی و داوام ائتدیریلمه‌سی و اؤلکه‌لر آراسیندا قارشی‌لیق‌لی گوون و یاخشی قونشولوق علاقه‌لری‌نین گوجلندیریلمه‌سینی نظرده توتان شانگای امکداش‌لیق تشکیلاتی، روسیا، چین، قیرقیزیستان، قازاقیستان، تاجیکیستان و اؤزبکیستانین قاتیلیمی ایله چین‌ین شانگای شهرینده 15 ژوئن 2001  ده رسمی اولا‌راق قورولموشدو.

هیندیستان و پاکیستان 16 ایل سونرا تشکیلاتا گیرمیشدی، تشکیلاتین عضو ساییسی 8-ه چیخمیشدی. تورکیه، کئچن ایللرده شانگای امکداش‌لیق تشکیلاتینا دیالوق طرفداش اولا‌راق قاتیلمیشدی.



ایلگیلی‌لی خبرلر