حلوصی آکار نخچیوان‌دا

تورکیه میللی ساوونما ناظیری حلوصی آکار، ایکی قارداش اؤلکه تورکیه و آذربایجانین هر جور تهدید و تهلوکه‌یه قارشی، کدرده و ایفتیخاردا بیر و بیرلیکده اولدوغونو سؤیله‌دی

حلوصی آکار نخچیوان‌دا

تورکیه میللی ساوونما ناظیری حلوصی آکار، ایکی قارداش اؤلکه تورکیه و آذربایجانین هر جور تهدید و تهلوکه‌یه قارشی، کدرده و ایفتیخاردا بیر و بیرلیکده اولدوغونو سؤیله‌دی.

آکار، تورکیه و آذربایجان قارا گوجلرینجه مشترک تشکیل ائدیلن حرکتی آتیش‌لی سارسیلماز قارداش‌لیق 2019 مانورون " سئچکین موشاهیدچی گونو"نه قاتیلدی.

ناظیر آکار، نخچیوان موختار جمهوریتی مجلیس باشقانی واسیف طالیبوو، آذربایجان ساوونما ناظیری گژنرال ذاکیر حسنوو و تورکیه‌نین باکی سفیری ارکان اوزورال ایله مانورون ائدیلدیگی قراباغ‌لار داغ تحصیل مرکزینه گئتدی. نخچیوان باغیمسیز قارما اوردو قوموتانی ژنرال کریم مصطفی‌یئو و 3-جو اوردو قوموتانی ژنرال ایسماعیل سردار ساواش و دیگر مسئوللاریلا نخچیوان قوموتان‌لیغی ساحه‌سینده فعالیت گؤسترن آکار، مانور قونوسوندا بریقادا قوموتانلیغیندا بریفینگ آلدی، مانوردا ایستیفاده ائدیلن سیلاح و نقلیات واسطه‌لری سرگی‌سینی زیارت ائتدی.

ناظر آکار داها سونرا حیاتا کئچیریلن فعلی آتیشلی مرحله‌سی‌نین اولدوغو ساحه‌یه گئچدی. مانور ساحه‌سی‌نین آتیشلی بؤلومو هلیکوپتر‌لر ایله  مانور ساحه‌سینه ائندیریلمه‌سی ایله باشلاندی.

مانوردان سونرا ناظیر آکار، نخچیوان موختار جمهوریتی  مجلیس باشقانی واسیف طالیبوو و آذربایجانین ساوونما ناظیری ذاکیر حسنوو هئیتله گؤروشدو.

آکار، بورادا ائتدیگی دانیشمادا، بیر دؤورده بؤیوک اینکیشاف، یئنی‌لیک و دییشیک‌لیک‌لرین هر ساحه‌ده بیر دؤور کئچدیگینی سؤیله‌دی. آکار بیلدیریب کی، بو وضعیت امنیت ساحه‌سینده قلوبال و بؤلگه‌سل پروبلم‌لر گتیریر.

"بو دؤورده غیری-معین‌لیک، ریسک‌لر و تهدیدلر، اؤلکه‌لریمیزین و میللتیمیزین امنیتی‌نین تامین ائدیلمه‌سی یالنیز ایستنیلن واخت فعالیته حاضیر اولان تأثیرلی، دایانیق‌لی و حؤرمت‌لی اوردو ایله مومکون‌دور." دئیه دانیشدی.



ایلگیلی‌لی خبرلر