چنگیز آیتماتوو آنیلدی

آنما پروقرامین‌دا یازارلا باغلی خاطره‌لر آنلادیلدی و اونونلا باغلی بیر بلگه‌‌سل فیلم گؤستریلدی

چنگیز آیتماتوو آنیلدی

دونیادا تانینان قیرقیز یازار چنگیز آیتماتوو، اؤلومونون ۱۱.جی ایلین‌ده مزاری باشین‌دا آنیلدی.

آیتماتووون، قیرقیزیستانین باشکندی بیشکئک‌ده‌کی آتا بئیت آنید مزارلیغینداکی قبرینه عائله‌سی و مسلکداشلاری چیچک قویاراق دعا ائتدی.

اولوسال بیلیملر آکاد‌می بیناسیندا داوام ائدن آنما پروقرامین‌دا یازارلا باغلی خاطره‌لر آنلادیلدی و اونونلا باغلی بیر بلگه‌‌سل فیلم گؤستریلدی.

چنگیز آیتماتوو تالاس ویلایتینین شکر کندین‌ده ۱۲ دسامبر ۱۹۲۸.جی ایلده آنادان اولدو.

ادبیات چالیشمالارینین یانی سیرا اؤلکه‌سینی لوکزامبورگ، بلژیک و هلندده ائلچی اولاراق تمثیل ائدن آیتماتوو، آوروپا بیرلیگی، قوزئی آتلانتیکا آندلاشما‌سی هؤرگوتو ناتونون، بیرلشمیش میللتلر تحصیل، بیلیم و مدنیت هؤرگوتو یونسکونون نماینده‌سی اولموشدو.

اثرلری ۱۵۷ دیله چئوریلن آیتماتوو می ۲۰۰۸ده بیر روس تلویزیون کانالینین بلگه‌سل چکیملری اوچون  گئتدیگی تاتاریستانین باشکندی قازان‌دا راحاتسیزلانمیش تداوی اوچون آپاریلدیغی آلمانیادا ۱۰ ژوئن ۲۰۰۸ده وفات ائتمیشدی.

 



ایلگیلی‌لی خبرلر