آذربایجاندا جمهورتین 101-جی ایلدؤنومو قوتلانیر

آذربایجان جمهوریتی‌نین موستقیل‌لیگی، 28 می 1918-جی ایلده گورجوستانین تیفلیسی شهرینده، محمد امین رسولزاده باشقانلیغینداکی آذربایجان میللی شوراسی طرفین‌دن اعلان ائدیلدی.

آذربایجاندا جمهورتین 101-جی ایلدؤنومو قوتلانیر

آذربایجان‌دا 1918-جی ایل می‌ین 28-ینده اعلان ائدیلمیش 101-جی ایلدؤنومو قوتلانیر.

تدبیرلر زامانی پرزیدنت ایلهام علیئو باشکند باکی‌ده جمهوریت عابده‌سی‌نین قارشی‌سین‌داکی مراسیمه قاتیلیب. آذربایجانین ایستیقلال مارشی ایفا اولوندوغو مراسیمده علیئو خاطیره عابده‌سینه چلنگ قویوب.

جمهوریت گونو موناسیبتیله آمریکا، ژاپون، بؤیوک بریتانیا، چین، سان مارینو، بولغاریستان، ایتالیا، تورکمنیستان، مصر، قازاخیستان، الجزایر، قیرقیزیستان، تاجیکیستان، کوبا، بلژیک، سعودی عربیستانی، عراق، هیندیستان، افغانیستان ، اتریش، اؤزبکیستان، سوئد، جنوبی کوره کیمی چوخ سایدا اؤلکه‌نین لیدری و یا اوست سویه ایدارچی‌سی، پرزیدنت علیئوی تبریک ائتدی.

پرزیدنت رجب طیب اردوغان علیئوه تبریک مساژی گؤندریب.

آذربایجان جمهوریتی‌نین موستقیل‌لیگی، 28 می 1918-جی ایلده گورجوستانین تیفلیسی شهرینده، محمد امین رسولزاده باشقانلیغینداکی آذربایجان میللی شوراسی طرفین‌دن اعلان ائدیلدی.

باکی، ارمنی و بولشویک شبکه‌لری‌نین چته‌لری آلتیندا اولدوغو اوچون فتحعلی خان خویسکی باشچیلیغیندا یارادیلان موقتی آذربایجان حکومتی، فعالیتینی بیر مدت گنجه شهرینده داوام ائتدیردی.

بو، آذربایجانین موستقیل‌لیگینی تانییان ایلک عثمانلی دولتی ایدی. ایکی دولت آراسیندا ائدیلن راضیلاشما چرچیوه‌سینده، گئده‌رک آرتان ارمنی و بولشویک تهدیدلرینه قارشی نوری پاشا (کیللیگیل) امرین‌دکی قافقاز ایسلام اوردوسو کمکه گئتدی. گؤیچای بولشویک قوشونلاریندان‌ و ارمنی دسته‌لرین‌دن سالیان، آغسو و کوردمیرلری قورتاردی و 15 سپتامبر 1918-جی ایلده باکی‌نی قورتاردی. قافقاز ایسلام اوردوسو، باکی‌نین قورتولوشو اوچون ائتدیگی ساواشلاردا 1130 شهید وئردی.

شرق‌دکی ایلک دموکراتیک جمهوریت کیمی قبول ائدیلن آذربایجاندا قیسا مدتده تحصیل، دین و ویج‌دان آزادلیغی ساحه‌سینده اصلاحات‌لار آپاریلمیش‌دیر.

جمهوریتین "موستقیل‌لیک بیاننامه‌سینده" عیرقی، دینی، مذهبی و جینسین‌دن آسی‌لی اولمایا‌راق بوتون وطنداش‌لارا برابر حاق‌لار وئریلمیش‌دیر.



ایلگیلی‌لی خبرلر