چاووش اوغلو – آتامقول اف بیرگه مطبوعات کنفرانسی

تورکیه-‌نین خاریجی ایشلر ناظیری مولود چاووش اوغلو تورکیه ایله قازاخیستان آراسینداکی ایقتیصادی علاقه‌لرین داها دا گوجلندیریلمه‌سی‌نین واجیب‌لیگینی قئید ائتدی.

چاووش اوغلو – آتامقول اف بیرگه مطبوعات کنفرانسی

 

تورکیه-‌نین خاریجی ایشلر ناظیری مولود چاووش اوغلو تورکیه ایله قازاخیستان آراسینداکی ایقتیصادی علاقه‌لرین داها دا گوجلندیریلمه‌سی‌نین واجیب‌لیگینی قئید ائتدی.

تورکیه‌نین خاریجی ایشلر ناظیری مولود چاووش اوغلو ایله قازاخیستان خاریجی ایشلر ناظیری بیبوت آتامقول اف پایتاخت نور سولطاندا کئچیریلن تورکیه-قازاخیستان بیرگه ایستراتژی پلانلاشدیرما قروپونون 5-جی توپلانتی‌سیندان سونرا مطبوعات کنفرانسی کئچیردی‌لر.

چاووش اوغلو مطبوعات کنفرانسیندا توپلانتی چرچیوه‌سینده بو ایل قازاخیستانین ائو صاحب‌لیگی ائدجگی یوکسک سویه‌لی امکداش‌لیق توپلانتی‌سی‌نین حاضرلیق‌لارینی گؤزدن کئچیردیک‌لرینی بیل‌دیره‌رک، تکنیکی سویه‌دکی حاضرلیق‌لارین ذیروه گؤروشوندک داوام ائدجگینی سؤیله‌دی.

تورکیه-‌لی ناظیر گله‌جک ذیروه گؤروشونده ایمضا‌لانا‌جاق راضیلاشما‌لارلا باغلی موذاکیره‌لرین باشا چاتدیریلماسی‌نین اهمیتینه دقت چکدی، کئچمیشده ایمضا‌لانان بعضی راضیلاشما‌لارین یئنی‌دن نظردن کئچیریلمه‌سی ایستیقامتینده ایشلر آپاریلدیغینی قئید ائتدی.

بو آنلاشما و سعی‌لرین مقصدی‌نین ایکی اؤلکه آراسین‌داکی علاقه‌لرین داها دا گوجلندیریلمه‌سی اولدوغونو وورغولایان چاووش اوغلو تورکیه ایله قازاخیستان آراسینداکی امکداشلیغین داها دا گوجلندیریلمه‌سی اوچون جدی پتانسیل  اولدوغونو سؤیله‌دی.

قارشی‌لیق‌لی سرمایه‌لرین آرتیریلماسی‌نین ضروری‌لیگینی قئید ائدن چاووش اوغلو ایکی طریف‌لی تیجارتین حجمی‌نین تورکیه پرزیدنتی رجب طیب اردوغان و قازاخیستانین قوروجو پرزیدنتی نورسولطان نازاربایئوین بیرلیکده معین ائتدیک‌لری هدف‌لرین ده الده اولونماسی‌نین واجیبلیگیندن بحث ائتدی.

ناظیر: " قارشی‌داکی سورجده عاجیل صورتده بیرگه ایقتیصادی کمیسیونونون توپلانتی‌سینی کئچیرمه لییک. هر ایکی طرف‌دن ده ان یوکسک سویه‌ده هم صدرین ایشتیراکی بو موکانیزمه، ایقتیصادی امکداشلیغا و علاقه‌لریمیزه وئردیگیمیز اهمیتین گؤستریجی‌سی‌دیر" دئدی.

تورکیه‌نین خاریجی ایشلر ناظیری چاووش اوغلو تورکیه-‌نین تاریم و توریزم ساحه‌لرین‌دکی تجروبه‌لرینی قازاخیستان ایله بؤلوشمه آرزوسوندا اولدوغونو بیلدیردی.



ایلگیلی‌لی خبرلر