تورکییه-تاتاریستان آراسیندا آنلاشما

مینیخانوو، تورکییه ایله تاتاریستان آراسین‌دا ایش بیرلیگی آنلاشمالارینین اولدوغونو سؤیله‌دی

تورکییه-تاتاریستان آراسیندا آنلاشما

روسیا فدراسیونونا باغلی تاتاریستان اؤزارک جمهوریتینین پرزیدنتی رستم مینیخانوو، روسیادا ۲۰ میلیون مسلمان یاشادیغینی ایفاده ائد‌رک، حلال اۆرون اۆرتیمی ایله ایلگیلی تورکییه ایله چالیشاجاقلارینی سؤیله‌دی.

مینیخانوو، ایستانبول‌دا خاریجی اقتصادی ایلیشکی‌لر قورولونون تشکیل ائتدیگی تورکییه-تاتاریستان ایش فورومون‌دا ائتدیگی دانیشمادا، فوروم چرچیوه‌سین‌ده یئنی پروژه‌لرین گرچکلشدیریلمه‌سی قونوسون‌دا آنلاشمالارا واریلاجاغینا ایناندیغینی ایفاده ائتدی.

تورکییه ایله روسیا آراسین‌داکی تیجارت حجمینین آرتیریلماسی اوچون فوروم‌دا گؤروشمه ایمکانینین مؤوجود اولدوغونو ایفاده ائد‌ن مینیخانوو، تورکییه ایله تاتاریستان آراسین‌دا ایش بیرلیگی آنلاشمالارینین اولدوغونو سؤیله‌دی.

مینیخانوو، قازان ایله ایستانبول آراسین‌دا هفته‌ده ۶ دفعه اوچوشون اولماسینین اؤنملی اولدوغونو، یاخیندا هر گون اولاجاغینی آنلاداراق،

"تورکییه اؤلکه‌میز اوچون ان اؤنم‌لی اورتاقلاریمیزدان بیری‌دیر. هدفیمیز تیجارت حجمینی داها دا آرتیرماق‌دیر. تورکییه‌دن بیزیم اؤلکه‌میزه ۲ میلیارد دلاردان داها چوخ یاتیریم ائدیلدی. ایش دونیاسینا و تورکییه حکومتینه تشکر ائدیره‌م" دئیه دانیشدی.

میننیخانوو اولوسلارآراسی صنایع بؤلگه‌سی قورماق ایسته‌دیکلرینی بیلدیررک،

"بونونلا باغلی چوخ چالیشمالیییق. تورکییه‌ده‌کی تجروبه‌دن فایدالانیلاراق بو صنایع بؤلگه‌سی قورولابیلر دئیه دوشونوروک" دئدی. مینیخانوو، توریزم، نفت ایشلمه، پتروشیمی، گمی، اوچاق، هلیکوپتر، طبیعی گاز نقلی، پولیمر، رزین، الکترونیک، طبی تجهیزات و اکینچیلیک ساحه‌سین‌ده چالیشمالارینین اولدوغونو سؤیله‌دی.

داها سونرا ایکی اؤلکه آراسین‌دا امکداش‌لیق آنلاشمالاری ایمضالاندی.



ایلگیلی‌لی خبرلر