کرکوک‌ده سالدیری

ایکی آیری سالدیریسیندا آلتی پلیس مأمورو اؤلدورولدو

کرکوک‌ده سالدیری

عراقین کرکوک شهرین‌ده ترور هؤرگوتو داعشین فدرال پلیس گوجونه قارشی ایکی آیری سالدیریسیندا آلتی پلیس مأمورو اؤلدورولدو.

کرکوک عملیاتلار قوموتانی ژنرال سعد حربیه، ترور هؤرگوتو داعشین گوونلیک گوجلرینه ائتدیگی ایکی آیری سالدیریدا آلتی پلیسین یاشامینی ایتیردیگینی سؤیله‌دی.

ایلک سالدیریدا، کرکوکون گونئیینده‌کی ریاض قصبه‌سینین علویه کندی یاخینلیغین‌دا بیر پلیس آراجینین پوسقویا دوشورولدوگونو بیلدیرن حربیه، اتوماتیک سلاحلارین ایستیفاده ائدیلدیگی سالدیردا ۴ پلیسین اؤلدوگونو سؤیله‌دی.

سعد حربیه، کرکوکون رشاد قصبه‌سینه باغلی تلسوس کندی یاخینلیغین‌دا ایکینجی سالدیریدا ایسه پلیس آراجینین گئچدیگی یولدا پوسقویا یاتان تروریستلرین ائتدیگی آتیش سونوحو ایکی پلیسین یاشامینی ایتیردیگینی بیلدیردی.

حربیه، سالدیریلارین ائدیلدیگی بؤلگه‌ده گئنیش بیر عملیات باشلادیلدیغینی سؤیله‌دی.

ترور هؤرگوتو داعش ۲۰۱۴.جو ایلین ژوئن آیین‌دا موصول باشدا اولماق اوزره عراق تورپاقلارینین اوچده بیرینی اله گئچیرمیشدی.

عراق گوونلیک گوجلری ۲۰۱۷.جی ایلین دسامبرین‌دا بو تورپاقلاری بؤیوک اوراندا گئری آلمیشدی.

ترور هؤرگوتو داعشین شهر مرکزلریو دیگر یاشاییش منطقه‌لرین‌ده سالدیری تهدیدی ان آزا ائندیریلمه‌سینه باخمایاراق، هؤؤگوت اطراف بؤلگه‌لرده زامان زامان ائیلملر ائتمه‌یه داوام ائدیر.



ایلگیلی‌لی خبرلر