محمدیاروو: قاراباغ ایشغالی سونا چاتمالی

"آوروپابیرلیگی اورتاغی باشقا بیر اورتاغین تورپاقلارینی ایشغال ائده‌بیلمز"

محمدیاروو: قاراباغ ایشغالی سونا چاتمالی

آذربایجان خاریجی ایشلر باخانی ائلمار محمدیاروو آوروپا بیرلیگینین قونشولوق سیاستی هدفلرینه چاتماق اوچون داغ‌لیق قاراباغ ایشغالینین سونا چاتماسی لازیم اولدوغونو سؤیله‌دی.

محمدیاروو بلژیکین باشکندی بروکسل‌ده ائدیله‌ن آورپابیرلیگی-دوغو اورتافلیغی دیش ایشلری باخانلارینین توپلانتی‌سین‌دا ائتدیگی دانیشمادا، آوروپابیرلیگی ایله اورتاقلیغین آذربایجان خاریجی سیاستینین اساس اؤنجه‌لیکلرین‌دن بیری اولدوغونو قید ائد‌رک،

"آوروپابیرلیگی، خاریجی تیجارت‌ده تخمیناً   یوزده ۴۲ پایلا آذربایجانین اساس تیجارت اورتاغی‌دیر. بوندان باشقا، آوروپابیرلیگی، آذربایجانین ان بؤیوک خاریجی یاتیریمچیسیدیر" دئیه دانیشدی.

محمدیاروو یئنی ایکی‌لی آنلاشما مسئله‌سین‌ده آوروپابیرلیگی ایله کیفیت یؤنوم‌لو مذاکیره‌لر یولو ایله ایکی‌لی ایلیشکیلرده باشارییا چاتماق ایستدیکلرینی وورغولایاراق دانیشیقلارین اولوملو داوام ائتدیگینی، طرفلرین بیر بیرین‌دن چوخ شئی اؤیرندیگینی سؤیله‌دی.

جغرافی قونومونا گؤره آسیا ایله آوروپا آراسین‌دا طبیعی کؤرپو اولان آذربایجانین بؤلگه‌سل و بؤلگه‌لر  آراسین‌داکی گیریشیملرده هر زامان فعال ایشتیراک ائتدیگینی خاطیرلادان محمدیاروو اؤلکه‌سینین حیاتا گئچیردیی نقلیات و انرژی پروژه‌لرین‌دن بحث ائتدی.

بؤلگه‌ده‌کی پروبلئملره ده توخونان  محمدیاروو چیخیشینی بئله داوام ائتدیردی:

"آذربایجان تورپاقلارینین ارمنیستان طرفین‌دن ایشغالی، بوتون بؤلگه‌نین داها گوج‌لو بیر ایش بیرلیگینه گئچیشینی انگلله‌مه‌یه داوام ائدی. آوروپابیرلیگینین قونشولوق سیاستی هدفلرینه چاتماق اوچون پروبلئم و ایشغال سونا چاتمالی‌دیر. آوروپا پارلمانی طرفین‌دن اکتبر ۲۰۱۳ده قبول ائدیله‌ن قطعنامه‌ده قید اولوندوغو کیمی، آوروپابیرلیگی اورتاغی باشقا بیر اورتاغین تورپاقلارینی ایشغال ائده‌بیلمز. آوروپابیرلیگی-دوغو اورتاقلیغینین گله‌جگینین و اوغورونون، بؤلگه‌ده‌کی گوونلیک و ثابت‌لیگه باغلی اولدوغونا اینانیریق. بو سبب‌دن آوروپابیرلیگی عضولری و بوتون دوغو اورتاق‌لیغی قاتیلیمچیلاری تورپاق بوتؤولویو و اولوسلارآراسی تانینمیش سرحدلرین توخونولمازلیغی پرینسیپلرینی تام اولاراق دستکله‌مه‌لی و بونلارا عمل اولونمالی‌دیر".

آوروپابیرلیگینین دیش ایلیشکی‌لر و گوونلیک سیاستی یوکسک نماینده‌سی فدریکا موگرینی باشقان‌لیق ائتدیی توپلانتییا محمدیارووون یانی سیرا، ارمنیستان، بلاروس، گورجوستان، مولدووا و اوکراینادان یوکسک سویه مقاملار قاتیلدی.



ایلگیلی‌لی خبرلر