پرزیدنت مصطفی آکینجی پارتی لیدرلریله گؤروشه‌جک

قوزیی قیبریس تورک جمهوریتینده پرزیدنت مصطفی آکینجی یئنی حکومتی فورمالاشدیرما وظیفه‌سینی تاپشیرماق اوچون مجلیسده تمثیل اولونان پارتی لرین لیدرلریله گؤروش کئچیره‌جک.

پرزیدنت مصطفی آکینجی پارتی لیدرلریله گؤروشه‌جک

قوزیی قیبریس تورک جمهوریتینده پرزیدنت مصطفی آکینجی جمهوریتچی تورک پارتیسی‌نین صدری توفان ارهورمان لیدرلیگیندکی کوالیسیون حکومتی‌نین ایستعفاسیندان سونرا یئنی حکومتی فورمالاشدیرما وظیفه‌سینی تاپشیرماق اوچون مجلیسده تمثیل اولونان پارتی لرین لیدرلریله گؤروش کئچیره‌جک.

تورک آژانسی قیبریس-ین (تاک) خبرینه گؤره، جمهور باشقانلیغیندان وئریلن آچیقلامادا بیلدیریلیب کی، آکینجی ایلک گؤروشونو جمهوریت مجلیسینده ان چوخ یئره صاحب اولان میللی بیرلیک پارتیسی‌نین (UBP) صدری ارسین تاتار ایله گؤروش کئچیره‌جک. پرزیدنت داها سونرا CTP-نین صدری توفان ارهورمان و خالقین پارتیسی‌نین (TDP) صدری کودرت اؤزرسایی قبول ائده‌جک.

قئید ائدک کی، قوزیی قیبریس تورک جمهوریتینده CTP -نین صدری توفان ارهورمان لیدرلیگیندکی دؤردلو کوالیسیون  حکومتینده مالیه ناظیرلیگی وظیفه‌سینی داوام ائتدیرن DP-نین صدری سردار دئنکتاش 8 می دا ناظیرلیک وظیفه‌سیندن ایستعفایا چیخدیغینی آچیقلامیشدی.

دئنکتاش ایستعفاسیندان سونرا HP-نین صدری، باش ناظیر معاوینی و خاریجی ایشلر ناظیری کودرت اؤزرسای دا خالقین پارتیسی‌نین حکومت‌دن آیریلما قرارینا یئتیشدیگینی آچیقلامیشدی.

باش ناظیر و CTP-نین صدری ارهورمان احوالات‌لار قارشی‌سیندا یئنی حکومتین قورولماسی ایله علاقه‌دار فعالیت‌لرین لنگیمه‌دن باشلاماسی مقصدیله حکومتین ایستعفاسینی می ین 9-دا پرزیدنت مصطفی آکینجییا تقدیم ائتمیشدی.



ایلگیلی‌لی خبرلر