تبریز بازاریندا یانغین

تیکیمی تخمیناً ۱۰ عصر اؤنجه‌یه دایانان تبریز بازاری، دونیانین ان بؤیوک اؤرتولو بازاری اولاراق بیلینیر

تبریز بازاریندا یانغین

تبریز شهرین‌ده‌کی تاریخی تبریز بازارین‌دا(ایکی قاپیلار) چیخان یانغین‌دا ۲۹ نفر یارالاندی، ۱۰۰دن چوخ دوکان ضرر گؤردو.

ایران‌لی اؤیرنجی‌لر خبر آژانسینا (ایسنا) گؤره، تبریز طب فاکولته‌سی عاجل یاردیم باشقانی فرزاد رحمانی، تبریز بازارین‌دا گئجه ساعاتلارین‌دا چیخان یانغین‌دا ۱۹و یانغین‌سؤندور‌ن ۲۹ نفرین یارالاندیغینی دئدی.

تبریز بازاری دونیا میراثی مرکزی مودورو حسین اسماعیلی سنگری ایسه یئرلی ساعاتلا ۲۲.۰۰دا باشلایان یانغینین تخمیناً ۸ ساعات سونرا سؤندورولدویونو بیلدیردی.

سنگری، یانغین‌دا ۱۰۰دن آرتیق ماغازانین ضرر گؤردویونو بیلدیردی.

دوغو آذربایجان اطفاعیه سؤزچوسو سیامک نوروزی، گئجه وئردیگی آچیقلامادا، ایلک بیلگیلره گؤره یانغینین دوکانلاردان بیرین‌ده میدانا گلن پاتلامایلا باشلادیغینی قید ائتمیشدی.

تیکیمی تخمیناً ۱۰ عصر اؤنجه‌یه دایانان تبریز بازاری، دونیانین ان بؤیوک اؤرتولو بازاری اولاراق بیلینیر.

۲۰۱۰.جو ایلده یونسکونون دونیا میراثی لیسته‌سینه آلینان بازاردا ۴۰ مسلک بوداغینین یئریدیلدیگی ۵ مین ۵۰۰ دوکان و ماغازا یئرلشیر.

تبریز شهرینین سمبول بینالارین‌دان اولان بازار، بؤلگه‌نین ان یاخشی صنعتچیلرینین الین‌دن چیخمیش تاوان بزه‌مه‌لری و دیش جبهه معمارلیق اؤللیکلری ایله دقت چکیر.



ایلگیلی‌لی خبرلر