چاووش‌اوغلو: گوجلو شکیلده ساوونماغا داوام ائدجک

"تروریستلر آراسین‌دا یاخشی-پیس آیریمی ائده‌بیلمریک"

چاووش‌اوغلو: گوجلو شکیلده ساوونماغا داوام ائدجک

خاریجی ایشلر باخانی مؤولود چاووش‌اوغلو، تورکییه‌نین، قوزئی قیبریس تورک جمهوریتینین حاقلارینی ان گوجلو شکیل‌ده مدافعه ائتمه‌یه داوام ائدجگینی بیلدیردی.

مؤولود چاووش‌اوغلو، دونن چانکایا کؤشکون‌ده ائدیله‌ن ناتو شوراسی و ناتو آغ دنیز دیالوگو اورتاقلاری توپلانتیسی اؤنجه‌سین‌ده‌کی دانیشماسیندا، هم آغ دنیزلی هم ده آوروپالی بیر متفیق اولان تورکییه‌نین، "ایکی بؤلگه‌نین گوونلیگینی عینی بوتونون بیر بیرینی تاماملایان پارچالاری" کیمی گؤردویونو بیلدیره‌رک، آغ دنیز بؤلگه‌سینده باش وئره‌ن بحرانلارین آوروپایا تأثیر ائتدیگینه دقت چکدی.

بؤلگه‌ده‌کی پروبلئملرین اۆسته‌سین‌دن یالنیز کاغیذ اوزرین‌ده قالان دایانیشما و امکداش‌لیق مئساژلاری ایله گلینمه‌دیگینی وورغولایان چاووش‌اوغلو، امکداش‌لیق روحونون حقیقی معنادا تاسیس ائدیلمه‌سینین و یاناشیملار ایله حرکتلرده توتارلی اولماغین اؤنملی اولدوغونو بیلدیردی.

ترورلا مباریزه‌ده سئچیجی داورانیلمایاجاغینی وورغولایان چاووش‌اوغلو،

"تروریستلر آراسین‌دا یاخشی-پیس آیریمی ائده‌بیلمریک" دئدی.

تورکییه‌نین دوغو آغ دنیزده تک طرف‌لی آددیملارا و "اولدو بیتدی‌لره" گؤز یوممایاجاغینی دئیه‌ن چاووش‌اوغلو،

"دوغو آغ دنیزین باریش و ثابت‌لیگی، اولوسلارآراسی حقوقا و تاریخی حقیقتلره سایغیدان گئچیر. تورکییه، بو آنلاییشلا هم اؤزونون، هم ده قیبریس تورکونون مشروع حاق و چیخارلارینی هر زامان ان گوجلو شکیل‌ده مدافعه ائتمه‌یه داوام ائد‌جک‌دیر" دگرلندیرمه‌سینی وئردی.



ایلگیلی‌لی خبرلر