اؤزبکیستانین تیجارت حجمی آرتدی

اؤزبکیستانین خاریجی تیجارت حجمی، یوزده ۲۷،۲ آرتدی

اؤزبکیستانین تیجارت حجمی آرتدی

اؤزبکیستانین خاریجی تیجارت حجمی، ایلین ایلک دؤردده‌بیرین‌ده ۲۰۱۸.جی ایلده عینی دؤورونه گؤره یوزده ۲۷،۲ آرتاراق ۹ میلیارد ۴۰۶،۲ میلیون دلارا چاتدی.

اؤزبکیستان دؤولت ایستاتیستیک کمیته‌سیندن وئریلن آچیقلامایا گؤره، ایلین ایلک ۳ آیین‌دا اؤزبکیستانین صادراتی یوزده ۲۰،۶ آرتیشلا ۴ میلیارد ۱۳۲،۷ میلیون دلار، وارداتی دا یوزده ۳۲،۹ آرتیشلا ۵ میلیارد ۲۷۳،۵ میلیون دلار اولدو.

سؤو گئدن دؤورده اؤلکه‌نین خاریجی تیجارت کسری ۱ میلیارد ۱۴۰،۸ میلیون دلار اولدو.

 ایلین ایلک دؤردده‌بیرین‌ده اؤزبکیستانین صادراتین‌دا ایلک سیرادا قیزیل، انرژی و نفت محصوللاری، قیدا محصوللاری، رنگ‌لی و دمیر مئتاللار ایله خیدمتلر سئکتورو یئر آلیرکن، وارداتین‌دا دا ماشین و تجهیزات، شیمیایی ماده‌لر، رنگ‌لی و دمیر مئتال محصوللاری باشی چکدی.

اؤزبکیستانین خاریجی تیجارتی ۲۰۱۸.جی ایلده بیر اؤنجه‌کی ایله گؤره یوزده ۲۷،۳ آرتاراق ۳۳ میلیارد ۸۱۵،۳ میلیون دلار اولاراق گرچکلشمیشدی.

بو رقمین ۱۴ میلیارد ۲۵۷،۹ میلیون دلارینی صادرات، ۱۹ میلیارد ۵۵۷،۴ میلیون دلارینی دا واردات اولوشدورموشدو.



ایلگیلی‌لی خبرلر