تورک هاوا یول‌لاری‌نین آنکارا-باکی اوچوش‌لارینا باشلاییب

خطین ایلک اوچوشو موناسیبتیله حیدر علیئو هاوا لیمانیندا کوکتئیل تشکیل اولونوب

تورک هاوا یول‌لاری‌نین آنکارا-باکی اوچوش‌لارینا باشلاییب

تورک هاوا یول‌لاری‌نین آنکارا-باکی آراسیندا بیرباشا اوچوشو باشلادی.

خطین ایلک اوچوشو موناسیبتیله حیدر علیئو هاوا لیمانیندا کوکتئیل تشکیل اولونوب. تدبیرده آذربایجان خاریجی ایشلر ناظیری‌نین معاوینی نادیر حسینوو، تورکیه‌نین باکی سفیری ارکان اؤزورال، قوزئیقیبریس تورک جمهوریتی‌نین تمثیلچی‌سی اوفوق تورگانر، تورک هاوا یول‌لاری‌نین باش دیرکتور معاوینی عبد الکریم چای، آذربایجان سیویل هاواجیلیق مسئوللاری، تورک قوروم‌لاری ایله توریزم آژانس‌لاری‌نین نماینده‌لری قاتیلیب.

سفیر اؤزورال، تورک هاوا یول‌لاری‌نین آنکارا‌دان باکی‌یه بیرباشا ایلک سفرینی کئچیریلمه‌سین‌دن ممنونیت دویدوق‌لارینی بیل‌دیره‌رک،

بو اؤزللیکله آذربایجاندا یاشایان تورک‌لرین اوزون زامان‌دیر حسرتیدیر. بو گون تورک هاوا یول‌لاری بو حسرتی اؤدمیش اولا‌جاق. آنکارا ایله باکی آراسیندا باغلانتیلار داها گوجلنه‌جک." ایفاده‌لرینی ایستیفاده ائتدی.

تورک هاوا یول‌لاری‌نین باش دیرکتور معاوینی چای دا، ایکی قارداش دولتین باشکند‌لری آراسیندا تورک هاوا یول‌لاری‌نین اوچوشونو باشلاماغین غورور وئریجی اولدوغونو وورغولایا‌راق،

بو اوچوش موناسیبتیله ایکی قارداش اؤلکه آراسین‌داکی دوستلوق، قارداش‌لیق آرتا‌راق داوام ائدر. تورک هاوا یول‌لاری‌ اولا‌راق اؤلکه‌لر آراسیندا علاقه‌لری آرتیرماق اوچون الیمیزدن گله‌نی ائتمه‌یه چالیشاجاغیق." دئیه دانیشدی.

تورک هاوا یول‌لاری‌ باکی مودیری سیف الله ایلیاس دا، قیسا مدت اؤنجه باکی-آنتالیا اوچوش‌لاری‌نین دا باشلادیغینی خاطیرلادا‌راق،

بو اوچوش‌لارلا تورک هاوا یول‌لاری‌نین، ایکی اؤلکه آراسیندا موناسیبت‌لره قاتقی وئرمه‌یه داوام ائدیر. آنکارا-باکی اوچوشونا هفته‌ده اوچ گون کیمی باشلادیق. ایستگه گؤره بو سای آرتابیلیر." دئدی.



ایلگیلی‌لی خبرلر