تۆرکمن‌داغی بومباردمان‌ آلتیندا

بؤلگه‌ده یاشایان ۲۰ مینه یاخین تورکمن و عرب، تورکیه‌یه کؤچمک مجبوریتین‌ده قالمیشدی

تۆرکمن‌داغی بومباردمان‌ آلتیندا

سوریه‌ده، اسد رژیمی و ایران دستک‌لی خاریجی تروریست قروپلار، "ادلب گرگین‌لیگی آزالتما بؤلگه‌سی" سرحدلری ایچری‌سین‌ده‌کی تۆرکمن‌داغینا آغیر بومباردمان حیاتا گئچیریر.

بومباردمان‌دا، تۆرکمن‌داغی ایله یاناشی، بو بؤلگه‌ده‌کی جبل اکراد و جسر الشغور ائلچه‌سینه باغلی ناجیه و مرعند کندلری ایله بداما ناحیه‌سی ده هدف آلینیر.

اسد رژیمی ۲۰۱۵ین سون آیلارین‌دا روسیانین هاوا دستگی ایله تۆرکمن‌داغینین یوزده ۸۵ینی اله گئچیرمیشدی.

بؤلگه‌ده یاشایان ۲۰ مینه یاخین تورکمن و عرب، تورکیه‌یه کؤچمک مجبوریتین‌ده قالمیشدی.

تۆرکمن‌داغین‌دا مخالیفلرین الین‌ده چومرن، کلز، عیسی پیناری، سالور، یمادی، قارامان‌لی کندلری ایله زیتینجیک، جیپتوروز، قلابا مزرعه‌لر قالدی.

دونن گئجه رژیم گوجلری، ادلبین گونئیینده‌کی تمانعهده آغ فوسفور بومباسی ایستیفاده ائتمیش، سونرا حلبین باتی بؤلگه‌لرینه مولکی یئرلشیملره قورو سالدیریسی تشکیل ائتمیشدی.

بیر نئچه ساعات سونرا مخالیفلره عاید گؤزلم ائوینین روسیایا عاید اولدوغونو بیلدیردیگی اوچاقلار، بیر چادیرشهری وورموش، ۲ نفر اؤلموش، ۱۹ نفر یارالانمیشدی.



ایلگیلی‌لی خبرلر