باریش پیناری حرکاتی

آماچ حضور،
هدف ترور

آخیسکا تورکلرینه ایکیلی وطنداشلیق

"وطنداش اولماق ایسته‌یه‌نلرله باغلی بیر چالیشمانی دونیا آخیسکا تورکلری بیرلیگی ایله یئریدیریک"

آخیسکا تورکلرینه ایکیلی وطنداشلیق

خاریجی ایشلر باخانی مؤولود چاووش‌اوغلو، آمریکا بیرلشمیش دؤولتلرینده یاشایان و آمریکا وطنداش‌لیغی الده ائتمیش آخیسکا تورکلرینه، تورکیه جمهوریتی وطنداش‌لیغی وئریله‌جگینی آچیقلادی.

مؤولود چاووش‌اوغلو، آنتالیادا دونیا آخیسکا تورکلری بیرلیگی آغ دنیز تمثیلچیلیگی طرفیندن گرچکلشدیریلن تدبیره قاتیلدی.

آخیسکا تورکلرینین هارا گئدرسه گئتسین، کیم اولدوقلارینی، گله‌نک، گؤره‌نک، تورک و مسلمان اولدوقلارینی اونودمادیقلارینی بیلدیرن چاووش‌اوغلو، بعضی گله‌نک و گؤره‌نکلری ده نسیلدن نسیله منتقل ائتدیکلرینی دیله گتیردی.

آخیسکا تورکلرینین ایگید، سؤزونه باغلی اینسانلار اولدوغونو قید ائد‌ن چاووش‌اوغلو، اؤزلرینین ده بو گونه قدر هر زامان اونلارین یانین‌دا اولدوغونو، اونلارا گؤزل خیدمتلر ائتدیکلرینی بیلدیردی.

چاووش‌اوغلو، تورپاقلارین‌دان سورگون ائدیله‌ن آخیسکا تورکلرینین آخیسکایا قاییتماق حاقی مسئله‌سین‌ده آوروپا شوراسین‌دا و گورجوستان‌دا آپاردیقلاری دانیشیقلار نتیجه‌سین‌ده اؤنملی بیر قانون چیخدیغینی بیلدیردی.

چاووش‌اوغلو، آخیسکا بؤلگه‌سینه گئدن وطنداشلارا ائو آلیندیغینی، مسجید، اوخول کیمی خیدمتلرین وئریلدیگینی بیلدیردی.

آمریکادا یاشایان و آمریکا وطنداش‌لیغی الده ائتمیش آخیسکا تورکلرینه ده ایکی‌لی وطنداش‌لیق وئره‌جکلرینی وورغولایان چاووش‌اوغلو،

"یعنی تورکیه جمهوریتی وطنداش‌لیغی وئره‌جییک. وطنداش اولماق ایسته‌یه‌نلرله باغلی بیر چالیشمانی دونیا آخیسکا تورکلری بیرلیگی ایله یئریدیریک" دئدی.



ایلگیلی‌لی خبرلر