"آمریکا، کرکۆک مسئله‌سینه مداخله ائدیر"

ایرانا یاخین‌لیغی بیلینه‌ن عامری، "کرکوک (مسئله‌سی) ائلچیلیکلرده‌کی ییغین‌جاقلاردا حل ائدیلمز" دئدی

"آمریکا، کرکۆک مسئله‌سینه مداخله ائدیر"

عراق‌داکی حشد شعبی باشچیلارین‌دان و فتح کوالیسیونو لیدئری هادی عامری، آمریکانین بغداد ائلچیلیینین کرکوکون اداری مسئله‌سینه آچیق بیر شکیل‌ده مداخیله ائتدیگینی ادعا ائتدی.

 عامری، باشکند بغداددا قاتیلدیغی بیر پروگرام‌دا ائتدیگی دانیشمادا، عراق مرکزی حکومتی ایله عراق کورد بؤلگه‌سل رهبرلیگی آراسین‌دا دارتیشما‌لی بؤلگه قبول ائدیله‌ن کرکوک مسئله‌سینه آمریکا سفیرلیگینین مداخیله ائتدیگینی ایر‌لی سوردو.

ایرانا یاخین‌لیغی دا بیلینه‌ن عامری، "ائلچیلیک کرکوک مسئله‌سینی حل ائتمک اوچون بو و یا او طرفه سسلنیر. کرکوک (مسئله‌سی) ائلچیلیکلرده‌کی ییغین‌جاقلاردا حل ائدیلمز. پروبلئم آنجاق اورادا یاشایان عنصورلار آراسین‌داکی دیالوگلا حل ائدیله‌بیلر" ایفاده‌لرینی ایشلتدی.

عامری، "هر هانسی بیر ائلچیلیگین پروبلئمه مداخیله ائتمه‌سینی قبول ائتمه‌یه‌جییک" دئدی.

عراق‌لی سیاست‌چی عامری‌نین ادعاسینا باغلی آمریکانین بغداد سفیرلیگین‌دن ایسه هله بیر آچیقلاما وئریلمه‌دی.

 عامری‌نین لیدئرلیگینی ائتدیگی فتح کوالی‌سیونو، می ۲۰۱۸دکی عمومی سئچکیلرده عراق مجلسینه، ۴۷ میللت وکیلی گؤندره‌رک ۲.جی پارتی اولموشدو.



ایلگیلی‌لی خبرلر