تورکمن گوجولرینه سالدیری

"تورکیه، جسورلارین پیسلره قارشی وئردیگی مباریزه‌ده عراقین یانین‌دادیر"

تورکمن گوجولرینه سالدیری

عراقین موصول شهرینه باغلی مخمور ائلچه‌سی یاخینلیغین‌دا، ترور هؤرگوتو داعش طرفین‌دن تورکمن گوجو حشدشعبی‌یه تشکیل اولونان سالدیری‌دا ۲ نفر حیاتینی ایتیردی، ۱۱ نفر ده یارالاندی.

صلاح‌الدین ولایت مجلسینین گوونلیک کمیسیونو عضوو علی حسینی، حشدشعبی طوزخورماتو تورکمن گوجو نماینده‌لرینین موصول‌داکی بعضی اداری ایشلملرینی تاماملادیقدان سونرا دؤنوش یولون‌دا داعش طرفین‌دن سالدیرییا معروض قالدیقلارینی بیلدیردی.

حسینی، کئفلنمیش رایونو یاخینلیغین‌دا تشکیل اولونان سالدیری‌دا ۲ نفرین اؤلدویونو، ۱۱ نفرین یارالاندیغینی بیلدیریب.

علی حسینی، سالدیرینین آردین‌دان بؤلگه‌ده عراق گوونلیک گوجلری طرفین‌دن گئنیش میقیاس‌لی عملیات باشلادیلدیغینی ایفاده ائتدی.

تورکیه‌نین بغداد ائلچیسی فاتح ییلدیز، سوسیال پایلاشیم حسابین‌دان وئردیگی آچیقلامادا، سالدیرینی قینایاراق،

"قورخاقلار بو گئجه ده ایش باشیندایدیلار. مخمور یاخینلیغین‌دا قورولان قورخاق پوسقونون نتیجه‌سین‌ده شهید اولان تورکمن حشد شعبی منسوبلارینا الله‌دان رحمت، چوخ ساییداکی یارالیلارا عاجل شفالار دیله‌ییرم. تورکیه، جسورلارین پیسلره قارشی وئردیگی مباریزه‌ده عراقین یانین‌دادیر" ایفاده‌لرینی ایشلتدی.

سوسیال مئدیادان آچیقلامالار وئره‌ن عراق تورکمن جبهه‌سینین باشقانی ارشد صالحی ده سالدیرینین باش وئردیگی بؤلگه‌ده ترور هؤرگوتلری پ‌کاکا و داعشین اولدوغونا دقت چکدی.



ایلگیلی‌لی خبرلر