آنکارادا آذربایجان یئمک گونلری

"آذربایجانین مدنیتینی، یئمیینی و موسیقی‌سینی سئوه‌جکسینیز"

آنکارادا آذربایجان یئمک گونلری

آذربایجانین تورکیه‌ده‌کی ائلچیلیگی طرفین‌دن "آذربایجان یئمک گونلری" آچیلیش مراسمی ائدیلدی.

آنکارادا بیر هتل‌ده گئچیریله‌ن، آذربایجانین آنکاراداکی ائلچیسی خزر ابراهیمین ائو صاحب‌لیگی ائتدیگی کوکتیله، تورکیه بؤیوک میللت مجلیسینین اسکی باشقانی جمیل چیچک، میللی ساوونما باخانی یاردیمچیسی شوآی آلپای، ائلچیلر ایله چوخ ساییدا دعوت‌لی قاتیلدی.

ائلچی ابراهیم، بورادا ائتدیگی چیخیشین‌دا، تورکیه‌نین آذربایجان اوچون خاریجی بیر اؤلکه اولمادیغینی بیلدیردی.

آذربایجان یئمکلرینین اؤزل اولدوغونا وورغو ائد‌ن ابراهیم،

"آرزو ائدیرم سیزلر هفته بویونجا ساده‌جه آذربایجان‌لی آشپازلارین اللرین‌دن آذربایجان یئمکلرینین دادینا باخمایاجاقسینیز، آذربایجان مدنیتی ایله ده تانیش اولاجاقسینیز. آذربایجانین مدنیتینی، یئمیینی و موسیقی‌سینی سئوه‌جگینیزدن هئچ شبهه‌م یوخ‌دور. بیز ائلچیلیک اولاراق هر زامان سیزلره آذربایجان مدنیتینی داها چوخ تانیمانیز اوچون یاردیم‌چی اولاجاییق" دئدی.

پروقرام، آذربایجان‌لی قوناق یئمک اوستالاری میرمؤوسوم داداشوو و تورال بایراموو طرفین‌دن حاضرلانان آذربایجان مطبخین‌دن لذتلرین قوناقلارا سونولاما‌سی ایله سونا چاتدی.

آذربایجانین گله‌نکسل یئمکلرینین تانیدیلاجاغی آذربایجان یئمک گونلری، بازار گونونه قدر داوام ائد‌جک.



ایلگیلی‌لی خبرلر