خوجالی قتل‌عامینین قوربانلاری آنیلیر

خوجالی قتل‌عامینین قوربانلاری، اون مینلرجه انسانین ایشتیراکی ایله آنیلیر

خوجالی قتل‌عامینین قوربانلاری آنیلیر

آذربایجان‌دا، ارمنیلرین ۲۶ فوریه ۱۹۹۲ده ائتدیگی خوجالی قتل‌عامینین قوربانلاری، اون مینلرجه انسانین ایشتیراکی ایله آنیلیر.

آذربایجان خالقی ۲۷ ایل اؤنجه خوجالی‌دا ارمنیلرین ایشگه‌نجه‌لرله قتله یئتیردیگی ۶۱۳ آذربایجانلینی آنماق اوچون باشکند باکی‌داکی آنا هارایی آنیدینا یۆرودو.

آزادلیق میدانین‌دا توپلاشان اون مینلرجه آذربایجان‌لی، پرزیدنت ایلهام علیئو و دؤولت مقاملاری ایله آنا هارایی عابیده‌سینه گئتدی. تورکیه‌نین باکی‌داکی ائلچیسی ارکان اؤزاورال، قوزئی قیبریس تورک جمهوریتینین تمثیل‌چی‌سی اوفوق توُرگن‌ار ایله تورک قوروم و قورولوشلارین نماینده‌لرینین ده ایشتیراک ائتدیگی یۆروشدن سونرا علیئو و یانین‌داکیلار عابده‌یه چلنگ قویدو. رسمی مراسیمین آردین‌دان آنید خالقین زیارتینه آچیلدی.

اللرین‌ده آذربایجان بایراقلاری، قتله یئتیریله‌نلرین فوتوگرافلاری و ارمنی ظلمونه تپکیرین یازیلدیغی پلاکاردلارلا آنیدا گئدن آذربایجان‌لیلار، حیاتینی ایتیره‌نلرین خاطره‌سینه قر‌نفیللر قویدو. ارمنیلرین ۲۷ ایل بوندان اؤنجه داغ‌لیق قاراباغ‌دا، خوجالی‌دا تؤرتدیگی وحشی‌لیکلره شاهید اولانلار، یاخینلارینی ایتیره‌نلر گؤز یاشلاری ایچین‌ده دعالار اوخودو.

۲۵ فوریه ۱۹۹۲دن اعتباراً خوجالییا اوچ قول‌دان سالدیران ارمنیلر سووئت روس اوردوسونون ۳۶۶.جی موتوریزه آلایینین بوتون واسطه‌لرین‌دن ایستیفاده ائد‌رک شهری ایکی ساعات عرضین‌ده توپ و تانک آتیشینا توتدو.

سالدیری‌دان بیر گون سونرا ایسه یادداشلاردان ایللرجه سیلینمه‌یه‌جک "خوجالی قتل‌عامی" ائدیلدی.

رسمی بیلگیلره گؤره، خوجالی قتل‌عامین‌دا ساوونما‌سیز وضعیت‌ده‌کی ۱۰۶سی قادین، ۷۰ی یاش‌لی، ۶۳و اوشاق اولماق اوزره توپلامدا ۶۱۳ آذربایجان وطنداشی حیاتینی ایتیردی.

 



ایلگیلی‌لی خبرلر