ایراندا بۆتونو تورکجه قزئت
۴۰ میلیون تورکون یاشادیغی اؤلکهده هامیسی تورکجه اولان بیر قزئت یاییملاناجاق
ایران مجلیسی اورمیه میلت وکیلی نادر قاضیپور، تخمیناً ۴۰ میلیون تورکون یاشادیغی اؤلکهده هامیسی تورکجه اولان بیر قزئت یاییملاناجاغینی بیلدیردی.
ایران دؤولت مئدیاسینا دانیشان تورک ملت وکیلی قاضیپور، مدنیت و ارشاد باخانی عباس صالحینین اؤلکهده بۆتونو تورکجه اولان بیر قزئتین چیخاریلماسینا اونای وئردیگینی آچیقلادی.
قاضیپور، باخان صالحی ایله تورکجه قزئت قونوسوندا لازیم اولان دانیشیقلارین آپاریلدیغینی و ایلک ساییسی چیخانا قدر قونونون تعقیبچیسی اولماغا داوام ائدجکلرینی ایفاده ائتدی.
دؤولت تلویزیونوندا دا ۲۴ ساعات تورکجه یایینی اولان بیر کانالین اولمادیغی تنقیدینی دیله گتیرن قاضیپور، باتی آذربایجاندا یایینی اولان دؤولت تلویزیونونون ۲۴ ساعات تورکجه اولماسینی ایستهدی.
دوخساندان چوخ دیل و لهجهنین دانیشیلدیغی اؤلکهده اؤن پلانا چیخان ائتنیک قروپلار آراسیندا آذربایجانلی تورکلر، عربلر، کوردلر، بلوچلار و تورکمنلر یئر آلیر.
اؤلکهنین قوزئی باتیسیندا آذربایجانلی تورکلر، قوزئی دوغوسوندا تورکمنلر و گونئی بؤلگهلرینده یاشایان قاشقای تورکلرینین، اؤلکهنین تخمیناً ۸۲ میلیونلوق اهالیسینین یوزده ۳۵ینی تشکیل ائتدیگی بیلدیریلیر.