کرکوک‌ده تورکیه ویزاسی مرکزی آچیلدی
"تاریخ بویونجا عراق خالقینین بوتون کسیملرینه عینی مسافه‌ده دوران تورکیه، ان چتین و پیس گونلرین‌ده عراقین یانین‌دا اولدو"
تورکمنلرین یاشادیغی عراقین کرکوک شهرین‌ده تورکیه ویزاسی باش‌وورو مرکزی آچیلدی.
آچیلیشا کرکوک والی‌سی راکان سعیدین یانی سیرا، عراق تورکمن جبهه‌سینین نماینده‌لری و چوخ ساییدا یئرلی گؤره‌ولی قاتیلدی.
کرکوک والی‌سی سعید، آچیلیش سونرا مطبوعات کنفران‌سین‌دا،
"کرکوکه خیدمت ائد‌جک بئله بیر مرکزین آچیلماسی بیزی موتلو ائتمیش‌دیر" دئدی.
عراق و اؤزللیکله کرکوک ایله تورکیه آراسین‌داکی ایلیشکی‌لرین قابساملی و یاخشی شکیل‌ده داوام ائتمه‌سینین اؤنمینی وورغولایان سعید، بو مرکزین ایستیفاده‌یه باشلاماسی ایله بیرلیک‌ده کرکوک خالقی و ایش اینسانلارینین تورکیه‌یه داها راحات سیاحت ائده‌بیله‌جگینی ایفاده ائتدی.
عراقین یاشادیغی پیس گونلرده تورکیه‌نین یاخشی قونشولوغونو اثبات ائتدیگینی سؤیله‌یه‌ن سعید،
"تاریخ بویونجا عراق خالقینین بوتون کسیملرینه عینی مسافه‌ده دوران تورکیه، ان چتین و پیس گونلرین‌ده عراقین یانین‌دا اولدو" دئدی.
تورکیه‌نین ۲۰۰۳دن بو یانا مختلیف سالدیریلاردا یارالانان عراق وطنداشلارینین معالیجه‌سین‌ده و کؤچ مسئله‌لرین‌ده عراق‌لیلارین یانین‌دا اولدوغونو یاددان چیخارمادیقلارینا دقت چکن سعید، تورکیه‌نین کرکوک‌ده بیر کونسوللوق آچماسینی ایسته‌دیکلرینی ایفاده ائتدی.
ویزا مراجعت مرکزی اداری رئیسی پیامی ییلماز ایسه،
"ان چوخ اؤنم وئردیگیمیز اؤلکه‌لردن بیری اولان عراق‌دا اؤزوموزو ائویمیزده حس ائدیریک" دئیه دانیشدی.
آرتیق عراقین بیر چوخ بؤلگهسینده و اؤزللیکله کرکوک‌ده هر هانسی بیر گوونلیک پروبلئمی یاشامادیقلارینی دیله گتیر‌ن ییلماز، تورک و دونیا شیرکتلرینی بؤلگه‌ده سرمایه قویماغا دعوت ائتدی.
کرکوک ویلایت مجلسینین عضوو تحسین کهیا دا مرکزین کرکوک‌لو اوچون بؤیوک اؤنم داشیدیغینا ایشاره ائد‌رک، بوندان سونرا کرکوک‌دن تورکیه‌یه سفرلرین آرتاجاغینا ایناندیقلارینی دئدی.
عراق‌لیلار تورکیه ویزاسینی حاضردا باشکند بغدادین یانی سیرا، اربیل، سلیمانییه و دوهوک‌داکی مراجعت مرکزلرین‌دن آلا‌بیلر.
ایلگیلی‌لی خبرلر
قیرقیزیستاندا مافیا ماللاری ساتیشا چیخاریلدی
ساتیلان املاک، متشکیل سوچلار و فسادلا موباریزه چرچیوه‌سینده دؤولتین مولکیتینه گئچمیشدی
