اؤزبکیستان‌دان ویزا معافیتی
۴۵ اؤلکه وطنداشی ویزا آلمادان ۳۰ گون بویونجا اؤلکه‌یه سیاحت ائده‌بیله‌جک
1136869
اؤزبکیستان‌دا بو گون اعتبارییلا ۴۵ اؤلکه اوچون ویزا معافیتی، ۷۶ اؤلکه اوچون ده ساده‌لشدیریلمیش ویزا اویقولاماسی باشلادی.
پرزیدنت شؤوکت میرضیایئو طرفین‌دن اؤلکه‌ده توریزمین گلیشدیریلمه‌سینه دایر اؤتن آی ایمضالانمیش قرارنامه قوه‌یه میندی.
بونا گؤره، بو گون‌دن اعتباراً آوروپا بیرلیگی اؤلکه‌لرینین آغیرلیق‌دا اولدوغو ۴۵ اؤلکه وطنداشی ویزا آلمادان ۳۰ گون بویونجا اؤلکه‌یه سیاحت ائده‌بیله‌جک.
قرارنامه ایله آیریجا ۷۶ اؤلکه وطنداشی دا اؤزبکیستان ویزاسینی "ای-ویزا" اویقولاماسی اوزرین‌دن ساده‌لشدیریلمیش شکیل‌ده ۲ گون ایچین‌ده آلابیله‌جک.
یئنی اویقولاما‌نین قوه‌یه مینمه‌سینین آردین‌دان اؤزبکیستانین ویزا معافیتی وئردیگی اؤلکه‌لرین ساییسی ۶۴ه، ساده‌لشدیریلمیش ویزا رژیمی تطبیق ائتدیگی اؤلکه‌لرین ساییسی دا ۱۳۰آ یوکسلدی.
