تورکیه و قیرقیزیستان آراسیندا انلاشما
"ایکی اؤلکه وطنداشلاری برابردیر"
قیرقیزیستان پرزیدنتی سوورونبای جنبکوو، آنکارادا ۹ آوریل ۲۰۱۸ده قیرقیزیستان و تورکیه حکومتلری آراسیندا ایمضالانان سوسیال گوونلیک آنلاشماسینی اونایلادی.
آنلاشما، تورکیه‌ده‌کی قیرقیزیستانلیلار ایله قیرقیزیستان‌داکی تورکیه‌لی‌لر اوچون قارشی‌لیق‌لی امکلیلیک حاقینین قازانیلماسی باش‌دا اولماق اوزره ایش حیاتین‌دا ایکی اؤلکه آراسیندا برابرلیک و آسانلیق تامین ائدیلمه‌سینی اؤن گؤرور.
تورکیه‌ده چالیشان قیرقیزیستان وطنداشلاری ایله قیرقیزیستان‌دا چالیشان تورکیه وطنداشلارینین بیر مدت‌دیر ماراقلا گؤزلدیگی آنلاشما، ایشچی استخدام تامین ائدیلمه‌سین‌ده آسانلیق ساغلایاجاق.
سؤزوگئدن آنلاشما ایله هر ایکی اؤلکه‌نین وطنداشلاری و ایشچیلرینین سوسیال گوونلیک حاقلارینین متقابیلیت اساسلاری چرچیوهسینده قورونماسی و گوونجه آلتینا آلینماسی تامین ائدیلمیش اولاجاق.
بو چرچیوه‌ده، معلوللوق، قوجالیق، اؤلوم، ایش قضاسی و مسلک خسته‌لیکلری ایله خسته‌لیک و آنالیق سیگورتالارینی احاطه ائدن آنلاشما طرف دؤولتلرین قانونلارینا اویغون گرچکلشه‌جک.
اؤلکه‌نین سوسیال فوندو باشقانینین بیرینجی یاردیمچیسی گولنورا جوماتایئوا، قیرقیزیستانین دونیادا هئچ بیر اؤلکه ایله سوسیال گوونلیک آنلاشما‌سی اولمادیغینی بئله‌لیکله، بو آنلاشما‌نین قیرقیزیستان طرفین‌دن ایلک دفعه تطبیق اولوناجاغینی بیلدیردی.
جوماتایئوا، ایکی اؤلکه آراسین‌داکی سوسیال گوولیک آنلاشما لایحه‌سینین حاضرلانماسین‌دا امه‌گی گئچه‌ن و "ایکی اؤلکه وطنداشلاری برابردیر" شعاری ایله حرکت ائد‌رک دستک اولان تورکیه‌ده‌کی چالیشما هیاتینه تشکر ائتدی.
آنلاشما‌نین قیرقیزیستان پرزیدنتی طرفین‌دن تصدیق اولوندوغونو، تورییه طرفینین اونایینی گؤزلدیکلرینی قید ائدن جوماتایئوا، آنلاشما‌دن قیرقیزیستان‌دا تخمیناً ۷۰۰ تورکیه وطنداشینین ایستیفاده ائدجگینی سؤیله‌دی.
