تورکیه‌نین دستگی هر زامان داوام ائد‌جک
چاووش‌اوغلو، قیریم تاتار تورکلرینین لیدئری قیریم‌اوغلو ایله بیر آرایا گلدی
تورکیه‌نین قیریم تاتارلارینا دستگی هر زامان داوام ائد‌جک.
خاریجی ایشلر باخانی مؤولود چاووش‌اوغلو، قیریم تاتار تورکلرینین لیدئری مصطفی عبدالجمیل قیریم‌اوغلو و بیرلشمیش میللتلر تشکیلاتینین سوریه اؤزل نماینده‌سی استفان دی میستورا ایله آیری آیری گؤروشدو.
چاووش‌اوغلو، "دیپلوماسی، دیالوگ و چدشیدلی‌لیک" قونوسویلا تشکیل ائدیلن ۱۸.جی دوحه فورومونا قاتیلماق اوچون گئتدیگی قطرده مختلیف گؤروشمه‌لر گئچیردی. فورومون "قارشی‌لیق‌لی باغلانتی‌لی دونیادا سیاسا معین ائدیلمه‌سی" باش‌لیق‌لی آچیلیش اوتورومونا قاتیلماسینین آردین‌دان ایکی‌لی دانیشیقلارا قاتیلان چاووش‌اوغلو، قیریم تاتار تورکلرینین لیدئری قیریم‌اوغلو ایله بیر آرایا گلدی.
بؤلگه‌ده‌کی سون گلیشمه‌لرین و قیریم تاتار تورکلرینین وضعیتینین مذاکیره ائدیلدیگی گؤروشمه‌ده باخان چاووش‌اوغلو، قیریم تاتارلارینا تورکیه‌نین دستگینین هر زامان داوام ائد‌جگینی وورغولادی.
چاووش‌اوغلو، بیرلشمیش میللتلر تشکیلاتینین سوریه اؤزل نماینده‌سی استفان دی میستورا ایله ده بیر آرایا گلدی.
قایناقلار، گؤروشمه‌ده سوریه‌یه باغلی گلیشمه‌لرین اله آلیندیغینی قید ائتدی.
