تاریخی عثمانلی بازارینی تورکیه اوناریر
''تیکانین دستگی ایله بازارین تعمیری ائدیله‌جک. بو بیزیم اوچون اولدوقجا اؤنم‌لی''
عراقین کرکوک شهرین‌ده ۲۶ نوامبردا یاناراق تخریب اولان و تورک امکداش‌لیق و کووردیناسیون آژانسی باشقان‌لیغی (تیکا) طرفین‌دن اوناریلاجاق تاریخی کایسئری چارشی‌سیندا بو گون داغینتی قالدیرما و تمیزله‌مه ایشلرینه باشلاندی.
تیکا بغداد پروگرام سوروملوسو جونید اسمر، ''پرزیدنتیمیز رجب طیب اردوغانین تیکایا وئردیگی تاپشیریق ایستیقامتین‌ده تاریخی کایسئری بازارینین تعمیری چرچیوهسینده ۷ دسامبر تاریخین‌ده بازاردا ییخینتی قالدیرما ایشلرینه باشلادیق'' ایفاده‌سینی ایشلتدی.
اسمر، داغینتینین قالدیریلماسینین آردین‌دان ایشده برپا پروسه‌سینه گئچیله‌جگینی قید ائتدی.
عراق تورکمن جبهه‌سی سؤزچوسو علی مهدی، عثمانلی اثری تاریخی بازارین اوناریمینین تیکا طرفین‌دن ائدیلمه‌سینین اؤنم‌لی اولدوغونو بیلدیره‌رک، ''تیکانین دستگی ایله بازارین تعمیری ائدیله‌جک. بو بیزیم اوچون اولدوقجا اؤنم‌لی. چونکو تاریخی توخوماسی پوزولمایاجاقدیر'' دئیه دانیشدی.
کرکوک شهر مرکزین‌ده اولان و عثمانلی دؤورون‌ده اینشا ائدیلن تاریخی کایسئری چارشی‌سیندا ۲۶ نوامبردا هله بیلینمه‌ین بیر سببله یانغین چیخمیشدی. یانغین سببیله بازاردا اولان چوخ ساییدا ایش یئری قوللانیلماز حالا گلمیشدی.
