ایلهام علیئو محمت جاهیت تورحانی قبول ائدیب
علیئو ائتدیگی چیخیشیندا، آذربایجان ایله تورکیه آراسین‌داکی ایکیطرف‌لی علاقه‌لرین نقلیات و آلت یاپی دا اوتماقلا، هر بیر ساحه‌ده اوغورلو شکیلده گلیشدیگینی سؤیله‌دی
تورکیه نقلیات و آلت یاپی ناظیری محمت جاهیت تورحان، آذربایجانداکی تماس‌لاری قاپسامیندا،جمهورباشقانی ایلهام علیئو طرفین‌دن قبول ائدیلیب.
ناظیر تورحان، 24-جی اولوسلار آراسی تلکومونیکاسیون، اینوواسیون و یوکسک تکنولوژی‌لر سرگی‌سینه (BAKUTEL 2018) قاتیلماق اوچون گئتدیگی آذربایجاندا، ایلهام علیئو ایله گؤروشوب.
علیئو بورادا ائتدیگی چیخیشیندا، آذربایجان ایله تورکیه آراسین‌داکی ایکیطرف‌لی علاقه‌لرین نقلیات و آلت یاپی دا اوتماقلا، هر بیر ساحه‌ده اوغورلو شکیلده گلیشدیگینی سؤیله‌دی.
نقلیات ساحه‌سینده ایکی اؤلکه آراسیندا امکداشلیغا توخونان علیئو، کئچن ایل فعالیته کئچن باکی-تیقی‌لیسی-قارس دمیر یولو پروژه‌سی‌نین، تکجه بؤلگه دئییل، داها گئنیش ساحه‌لر اوچون ده بؤیوک اهمیت داشیدیغینی وورغولادی.
پرزیدنت ایلهام علیئو ایکی اؤلکه‌نین ایرتیباطات ساحه‌سینده ده امکداشلیق ائتدیگینی، تورک شیرکت‌لری‌نین آذربایجاندا بو ساحه‌ده اوزون ایللردیر چالیشدیق‌لارینی ایفاده ائتدی.
علیئو، ایرتیباطات ساحه‌سین‌دکی امکداشلیغین داها دا گئنیشلندیریلمه‌سی اوچون بؤیوک اومیدلری اولدوغونو دیله گتیردی.
ناظیر تورحان دا، آذربایجان ایله تورکیه آراسین‌داکی موناسیبت‌لرین درین کؤک‌لره مالیک اولدوغونو بیل‌دیره‌رک، آذربایجاندا، آلت یاپی و شهرله علاقه‌دار گلیشیم ده داخیل هر بیر ساحه‌ده بؤیوک گلیشمه'یه شاهید اولدوغونو دئدی.
اؤنملی پرزیدنت حیدر علیئوین، آذربایجان و تورکیه اوچون سؤیله'دیگی "بیر میللت، ایکی دولت" ایفاده‌سینی خاطیرلا‌دان تورحان، آذربایجانین اوغورلاری‌نین تورکیه‌ده بؤیوک سئوینجله قارشیلاندیغینی قئید ائدیب.
تورحان، ایکی اؤلکه‌نین بون‌دان سونرا دا اوغورلو پروژه‌لر حیاتا کئچیرجگینی وورغولاییب.
علیئو و تورحان، داها سونرا BAKUTEL سرگی‌سینده ده بیر آرایا گلیب.
سرگینی گزن علیئوی تورکیه غرفه'سینده ناظیر تورحان قارشیلادی.
تورکسات، پ.ت.ت، تورکسل و هاوئلسان کیمی شیرکت‌لرین قاتیلدیغی تورکیه غرفه'سینی گزن علیئو، ناظیر تورخان شیرکت‌لرین فعالیتینه دایر معلومات آلدی.
