"باشلانقیجدان گونوموزه تورک مدنیتی" پروژهسی اؤنردی
نظربایئو، قازاقیستانین قدیم باشکندینین تکجه قازاق خالقینین معنوی مرکزی دئییل، بوتون تورک دونیاسی اوچون قوتسال بیر یئر اولدوغونو قید ائتدی
قازاقیستان پرزیدنتی نورسولطان نظربایئو، "باشلانقیجدان گونوموزه تورک مدنیتی" پروژهسی باشلاتماغی تکلیف ائتدی.
نظربایئو، جمهورباشقانلیغی سایتیندا یاییملانان "بؤیوک چؤلون یئددی کناری" مقالهسینده قازاقیستانین تورکلرین آتا یوردو اولدوغونا ایشاره ائدرک،
"بورادان دیگر اؤلکه و بؤلگهلردهکی تاریخی پروسهلره اؤنملی قاتقیسی اولان تورک طایفالاری و خالقلاری دونیانین فرقلی یئرلرینه گئتمیشدیر" دئدی.
"باشلانقیجدان گونوموزه تورک مدنیتی" پروژهسینی باشلاتماق لازیم اولدوغونا دقت چکن نظربایئو، "بو چرچیوهده ۲۰۱۹دا باشکند آستانادا دونیا تورکولوژی کنگرهسی و مختلیف اؤلکهلرین موزهلرینده قدیم تورک اثرلرینین توپلاندیغی تورک خالقلاری گونلری تدبیرلری تشکیل ائدیله" بیلر ایفادهسینی ایستیفاده ائتدی.
نظربایئو، اینترنت آنسیکلوپدیسی ویکیپدیادا اورتاق تورک اثرلری آچیق کیتابخاناسینی یاراتماغین اؤنمینی وورغولایاراق، بو قونودا قازاقیستانین یؤنلندیریجی اولابیلهجگینی دیله گتیردی.
تورکوستانین یئنی ایالت مرکزی اولاراق تانیدیلماسی چرچیوهسینده شهرین اولوسلارآراسی عرصهده قونومونون گوجلندیریلمهسی لازیم اولدوغونون وورغولایان نظربایئو، قازاقیستانین قدیم باشکندینین تکجه قازاق خالقینین معنوی مرکزی دئییل، بوتون تورک دونیاسی اوچون قوتسال بیر یئر اولدوغونو قید ائتدی.