داغلیق قاراباغ سورونو مذاکره ائدیلدی
داغلیق قاراباغ پروبلئمی، سووئت اتفاقینین داغیلما پروسه‌سین‌ده ارمنیلرین بو توپراقلاردا حاق ادعا ائتمه‌سیله باشلادی
آذربایجان خاریجی ایشلر باخانی ائلمار ممدیاروو و ارمنیستان خاریجی ایشلر باخانی ظهراب مناتساکانیان، داغلیق قاراباغ پروبلئمینین حلی چرچیوهسینده نیویورک‌دا بیر آرایا گلدی.
خاریجی ایشلر باخانی مممدیاروو، وئردیگی یازی‌لی آچیقلامادا، گؤروشمه‌نین ۳ ساعات‌دان چوخ داوام ائتدیگینی، پروبلئمین حلی و سوردوروله‌بیلیر باریشین برقرار اولماسی اوچون نه‌لر ائدیلمه‌سی لازیم اولدوغو قونوسون‌دا ماراق‌لی و اؤنم‌لی فیکیر آلیش وئریشی آپاردیقلارینی بیلدیردی.
ممدیاروو، آوروپا گوونلیک و امکداشلیق تشکیلاتی مینسک قروپو ائش باشقانلارینین بؤلگه‌یه سفری ده داخیل دانیشیقلارین گله‌جک آی داوام ائتدیریلمه‌سی باره‌ده آنلاشدیقلارینی قید ائتدی.
گؤروشمه‌یه مینسک قروپو ائش باشقانلاری روسیالی ایگور پوپوو، فرانسالی استفان ویسکونتی، آمریکالی اندرئو شوفر و تشکیلاتین تؤزل نماینده‌سی آندرئی کاسپرشیک ده ایشتیراک ائتدی.
داغلیق قاراباغ پروبلئمی، سووئت اتفاقینین داغیلما پروسه‌سین‌ده ارمنیلرین بو توپراقلاردا حاق ادعا ائتمه‌سیله باشلادی.
ارمنیلر، ۱۹۹۱ده خانکندی‌نی، ۱۹۹۲ده خوجالی و شوشانی ایشغال ائتدی. داها سونرا لاچین، خوجاوند، کلبه‌جر و آغدره‌نی ده اشغال ائدن ارمنیلر، ۱۹۹۳ده آغداما گیردی. آغدامی، جبراییل، فضولی، قوبادلی و زنگیلان ائل‌لرینین ایشغالی ایزله‌دی.
آذربایجان تورپاقلارینین یوزده ۲۰سی ایشغال ائدیلرکن بیر میلیونا یاخین اینسان دا یاشادیقلاری بؤلگه‌لری ترک ائتمک مجبوریتینده قالدی.
آذربایجان و ارمنیستان، ۴-۵ می ده بیشکئک‌ده مستقیل دؤولتلر بیرلیگی پارلمانلارآراسی مجلسی، قیرقیزیستان مجلسی، روسیانین فدرال مجلیسی و خاریجی ایشلر باخانلیغینین تشبوثو ایله "بیشکئک پروتوکولو" کیمی تانینان آتیشکس آنلاشما‌سینی ایمضالادی آنجاق بو کاغیذ اوزرین‌ده قالدی و موناقیشه‌لرده مینلرجه عسگر اؤلدو.
مینسک قروپو، ارمنیستان-آذربایجان چاتیشما‌سی و داغلیق قاراباغ پروبلئمینین دینج یوللارلا حل ائدیلمه‌سینی تشویق و طرفلر آراسین‌دا واسطه‌چی‌لیک ائتمک مقصدیله ۱۹۹۲ده یارادیلدی.
مینسک قروپونون آرادان گئچه‌ن ۲۶ ایلده بیر چوخ گیریشیمینه باخمایاراق، داغلیق قاراباغ پروبلئمینین حلینه یؤنه‌لیک متموس نتیجه‌لر الده ائده‌ممه‌دی.
