تورک دونیاسی آتا ایدمانلاری شن‌لیگی باشلادی
شن‌لیک، ۲۱-۲۲ جولایدا که‌له‌س ائلچه‌سینده‌کی قوجایایلادا حیاتا گئچیریله‌جک تدبیرلرله داوام ائد‌جک
تورک مدنیتینین دگرلرینی گله‌جک نسیللره تانیتماق و تورکلرینین کؤنول بیرلیگینی گوجلندیرمک مقصدیله حیاتا گئچیریله‌ن "۳.جو تورک دونیاسی آتا ایدمانلاری شن‌لیگی" باشلادی.
بورسا آتاتورک ایستادیومو میدانین‌داکی آچیلیش پروگرامین‌دا، مئهتر تاخیمی و قیلینج قالخان اکیبلری طرفیندن گؤستریلر سونولدو.
داها سونرا آتلی ایدمان کلوبلاری طرفیندن جیریت، مینیجی‌لیک، گولش، کؤک‌بؤرو و آکروباسی گؤستریلری دوزنلندی. پروگرامین سونون‌دا ایسه خالق اویونلاری سونولدو.
بورسا بؤیوک‌شهر بلدیه باشقانی علی‌نور آغداش، آچیلیش مراسیمین‌ده چیخیشین‌دا، آتا ایدمان نؤوعلرینین بیرلیک، برابرلیک و دایانیشما نومونه‌سی سوندوغونو دئدی.
آغداش، تورک میلتینین ایستیقلال و ایستیقبال اوچون مین ایلدیر مباریزه آپاردیغینی بیلدیره‌رک، "آتا ایدمان نؤوعلری ایله دایانیشما، قایناشما، بیرلیک و برابرلییمیزی، تورک دونیاسینین باریش و قارداش‌لیغینی دستکلمه‌یی آماجلاییریق. بورسادا بو ایل اوچوسونو حیاتا گئچیردییمیز تورک دونیاسی آتا ایدمانلاری شن‌لیگی ایله هم تورک خالقلارینین کؤنول بیرلیگینی و قارداش‌لیغینی گوجلندیرمه‌یی، هم ده اورتاق تورک مدنیتینی گله‌جک نسیللره بوراخمایی ایسته‌ییریک" دئدی.
آتا ایدمانلارینین اؤنجه‌کی نسیللرین گوجلو قالماق اوچون اوینادیقلاری اویونلار اولدوغونو دیله گتیره‌ن آغداش، "مینلرجه ایل اول گلن، گله‌نکسل دگرلریمیز و ایدمان اویونلاریمیز، اینانجلاریمیز، عادت و عنعنه‌لریمیزله شکیلله‌نیب، کیملییمیزین بیر پارچاسی اولدو" دئیه دانیشدی.
شن‌لیک، ۲۱-۲۲ جولایدا که‌له‌س ائلچه‌سینده‌کی قوجایایلادا حیاتا گئچیریله‌جک تدبیرلرله داوام ائد‌جک.
