مورادوو: بیرلشمهلیییک
"خاریجده یاشایان وطنداشلاریمیز هارادا اولسالار اولسونلار آذربایجانلی اولدوقلارینی اونوتمامالیدیرلار"
آذربایجان دیاسپوردان سوروملو دؤولت کمیتهسی باشقانی فواد مورادوو، تورکیهده حیاتا گئچیردیکلری گؤروشمهلرده تورکیه و آذربایجان دیاسپور قوروملارینین اورتاق فعالیت گؤسترمهسی قونوسوندا آنلاشما ساغلادیقلارینی بیلدیردی.
باکیدا آذربایجان دیاسپوردان سوروملو دؤولت کمیتهسینین ۱۶.جی قورولوش ایلدؤنومو موناسیبتی ایله تدبیر کئچیریلدی.
تدبیرده دانیشان مورادوو، وظیفهیه تعیین اولوندوغو ۲.۵ آی عرضینده گؤردویو ایشلر بارهده بیلگی وئردی.
ایلک سفرینی ۲۲-۲۶ می تاریخلرینده قارداش اؤلکه تورکیهیه حیاتا گئچیردیگینی خاطیرلادان مورادوو، هم تورکیهلی مقاملاری هم ده تورکیهده یاشایان آذربایجانلیلارلا گؤروشدویونو بیلدیردی.
روسیا فدراسیونو آستراخان ایالتی و گورجیستانا دا گئتدیگینی دیله گتیرن مورادوو،
"۵۰دن چوخ اؤلکهده آذربایجان دیاسپورو فعالیت گؤستریر. بوتون آذربایجانلیلار بیر اولمالی و تورپاق بوتؤولویونون تامین اولونماسی اوچون چالیشمالیدیر. باشلیجا وظیفهمیز وار. بیرلشمهلیییک. خاریجده یاشایان وطنداشلاریمیز هارادا اولسالار اولسونلار آذربایجانلی اولدوقلارینی اونوتمامالیدیرلار. بیرلیکده ایشلهسک باجاراممایاجاغیمیز ایش یوخدور" دئدی.
