قاراباغ مسئله‌سینی دانیشدیلار
"چؤزوم تاپماق مسئله‌سین‌ده طرفلره یاردیم‌چی اولماغا داوام ائد‌جک"
روسیا خاریجی ایشلر باخانی سئرگئی لاوروو، داغلیق قاراباغ سورونونون حل ائدیلمه‌سی اوچون طرفلره یاردیم ائتمه‌یه داوام ائد‌جکلرینی سؤیله‌دی.
لاوروو ارمنیستان‌لی قونومداشی زوگراب مناتساکانیان ایله گؤروشونون آردین‌دان مطبوعات کنفرانسین‌دا دانیشدی.
ارمنی باخان ایله گؤروشمه‌ده بؤلگه‌ده گوونلیک و ثابت‌لیک مسئله‌سینی مذاکیره ائتدیکلری معلوماتینی پایلاشان لاوروو، داغلیق قاراباغ مسئله‌سینی ده مذاکیره ائتدیکلرینی قید ائتدی.
لاوروو،
"ایستر ایروان و باکی ایله ایکی‌لی ایلیشکیلر باغلامیندا ایستر آوروپا گوونلیک و امکداش‌لیق تئشکیلاتی (آتت) مینسک قروپونون ائش باشقانی اولاراق آمریکالی و فرانسالی مسلکداشلاریمیزلا روسیا، قارشی‌لیق‌لی اولاراق قبول ائدیله بیله‌ن چؤزوم تاپماق مسئله‌سین‌ده طرفلره یاردیم‌چی اولماغا داوام ائد‌جک" دئدی.
لاوروو آیریجا ارمنیستانین باشکندی ایروان‌دا بو آی سونو ائدیله‌جک قارادنیز اقتصادی امکداش‌لیق خاریجی ایشلر باخانلاری توپلانتیسی ایله حاضرلیقلارین دا دانیشیلدیغینی بیلدیریدی.
