قازاخیستان-دا اورتا آسیا جمهور باشقانلاری مشورت توپلانتیسی کئچیریلهجک
جومه آخشامی گونو قازاخیستانین پایتاختی آستانادا اورتا آسیا پرزیدنتلری مشورت توپلانتیسی کئچیریلهجک.
جومه آخشامی گونو قازاخیستانین پایتاختی آستانادا اورتا آسیا پرزیدنتلری مشورت توپلانتیسی کئچیریلهجک.
قازاخیستان جمهور باشقانلیغی مطبوعات کاتیبی آیدوس اوکیبای نورسلطان نظربایفین ائو صاحبلیگی ایله کئچیریلهجک توپلانتییا قیرغیزیستان، تاجیکیستان، تورکمنیستان و اؤزبکیستان پرزیدنتلرینین قاتیلاجاغینی بیلدیردی.
اوکیبای بو توپلانتینین اورتا آسیا اؤلکهلرینین اورتاق بایرامی اولان نوروز عرفهسینده کئچیریلمهسینین بؤیوک اهمیت داشیدیغینی وورغولادی.
توپلانتینین گوندهلیگینه دایر معلومات وئرمهین اوکیبای تورکمنیستان پرزیدنتی قربانقولو بردی محمدوفون داها اولدن پلانلاشدیریلان یوکسک سویهلی تدبیرلری سببیندن بو اؤلکهنین توپلانتیدا پارلامنت صدری آکچا نوربردییفین تمثیل ائدجگینی بیلدیردی.
تاجیکیستان پرزیدنتی امامعلی رحمان اوفون چرشنبه گونو قازاخیستانا رسمی سفر ائدجگینی قئید ائدن اوکیبای سفر چرچیوهسینده ایکی طرفلی، بولگه سل و اولوسلار آراسی مسئلهلرین موذاکیره اولوناجاغینی ایفاده ائتدی.