باکی ایله صوفیا آراسیندا اوچوشلار باشلادی

"بولقاریستان وطنداشلاری ایندی بو مؤحتشم اؤلکه‌یه یالنیز ۲۹ یورویا اوچابیله‌جک"

889707
باکی ایله صوفیا آراسیندا اوچوشلار باشلادی

بولقاریستان-آذربایجان آراسین‌دا ایلک بیرباشا هاوا یولو خطی آچیلدی.

خطین آچیلیشینی، بولقاریستان باشباخانی بویکو بوریسوو و آذربایجان باشباخانی آرتور راسیزاده، حیدرعلی‌یئو هاوا لیمانین‌دا گرچکلشدیردی.

اوچاق سفرلری، اولوسال هاوایولو شیرکتی "آذربایجان ایرلاینز"ا باغلی قورولوش اولان آذربایجانین آشاغی خرجلی هاوا یولو شیرکتی "بوتا ایرویز" ایله هفته‌ده بیر دفعه اولماقلا چرشنبه گونلری حیاتا گئچیریله‌جک.

بو شکیل‌ده بولقاریستان، آوروپا بیرلیین‌ده "بوتا ایرویز"ین بیرباشا اوچاجاغی ایلک هدف حالینا گلدی.

ایکی باخانین سؤزلرینه گؤره، صوفیا ایله باکی آراسین‌دا بیرباشا هاوا خطینین آچیلماسی، ایش و اقتصادی ایلیشکیلرین گلیشیمینه کؤمک ائد‌جک و هر ایکی اؤلکه‌نین توریزمینی گلیشدیره‌جک.

بولقاریستان باشباخانی بوریسوو،

"بولقاریستان وطنداشلاری ایندی بو مؤحتشم اؤلکه‌یه یالنیز ۲۹ یورویا اوچابیله‌جک. بولقارلار یالنیز ۳ ساعات ایچین‌ده بیر چوخ عنعنه‌یه صاحب مؤحتشم بیر اؤلکه‌یه گئده‌بیلرلر. بو هاوا یولونون آچیلماسی، آذربایجان‌لی‌لارین اسکی ائتمک و یازین توریست کیمی اؤلکه‌میزه گلیب، مد‌نی و تاریخی گؤزل‌لیکلری کشف ائتمه‌لری اوچون گؤزل بیر فرصت‌دیر" دئیه دانیشدی.

باکی‌دان صوفیایا اوچان ایلک اوچاغین صوفیا هاوا لیمانینا ائنمه‌سین‌دن سونرا نقلیات و خبرلشمه باخانی ایوایلو موسکووسکی ده، بورادا خطین آچیلیشینی ائتدی.

آچیلیشا آذربایجانین صوفیا ائلچیسی نرگیز قوربانووا دا قاتیلدی.


اتیکتلر: #باکی , #صوفیا , #سفر

ایلگیلی‌لی خبرلر