باکی-تفلیس-قارص دمیریولو آچیلدی

اوکتبرین 30-دا عصرین لاییحه‌سی - باکی-تفلیس-قارص دمیر یولونون آچیلیشی موناسیبتیله باکی اولوسلار آراسی دنیز تیجارت لیمانیندا طنطعنه لی مراسیم کئچیریلیب.

837245
باکی-تفلیس-قارص دمیریولو آچیلدی

اوکتبرین 30-دا عصرین لاییحه‌سی - باکی-تفلیس-قارص دمیر یولونون آچیلیشی موناسیبتیله باکی اولوسلار آراسی دنیز تیجارت لیمانیندا طنطعنه لی مراسیم کئچیریلیب.

آذرتاج-ین خبرینه گؤره، آذربایجان پرزیدنتی ایلهام علی یف، بیرینجی خانیم مهریبان علی یئوا، تورکیه جمهور باشقانی  رجب طیب اردوغان و خانیمی امینه اردوغان، قازاخیستانین و گورجوستان و اوزبکیستان باش ناظیرلری همچنین تاجیکیستان و تورکمنیستان جمهوریتلریندن نماینده هئیت‌لری مراسیمده ایشتیراک ائدیب‌لر.

آذربایجان پرزیدنتی ایلهام علی یف آچیلیش مراسیمینده چیخیش ائده‌رک دئییب: “باکی-تفلیس -قارس دمیر یولونون آچیلیشی موناسیبتیله اورک‌دن تبریک ائدیرم. بوگونکو طنطعنه لی مراسیمده قارداش، دوست اؤلکه‌لردن قوناق‌لار گلمیش‌لر. من خصوصیله بو گون تورکیه جمهور باشقانی رجب طیب اردوغانی، گورجوستان، قازاخیستان، اؤزبکیستانین باش ناظیرلرینی، تاجیکیستانین، تورکمنیستانین ناظیرلرینی سالاملاییرام و بو مراسیمده ایشتیراک ائتدیک‌لرینه گؤره اونلارا درین تشککورومو بیل‌دیریرم.

باکی-تفلیس-قارص دمیر یولو تاریخی لاییحه‌دیر، ایستراتژی اهمیت‌لی لاییحه‌دیر. بو یولون اوزون‌لوغو تخمینن 850 کیلومتردیر، اونون دا 504 کیلومتری آذربایجان اراضی‌سین‌دن کئچیر. باکی-تفلیس-قارص دمیر یولو آوروپانی آسیا ایله بیرلش‌دیرن ان قیسا و اعتبارلی یول‌دور. بو یول واسطه‌سیله بیرینجی مرحله‌ده 5 میلیون، اوندان سونراکی مرحله‌ده 17 میلیون، اوندان سونرا ایسه داها بؤیوک حجم ده یوک‌لرین داشینماسی نظرده توتولور. بیر سؤزله، باکی-تفلیس-قارص دمیر یولو آوراسیانین نقلیات خریته‌سی‌نین اؤنملی حیصه‌سینه چئوریلیر. بو یولون فعالیتی نتیجه‌سینده یول بویونجا یئرلشن اؤلکه‌لر آراسین‌داکی تیجارت حجمی و قارشی‌لیق‌لی سرمایه قویولوشو آرتا‌جاق. بو یول‌دان ایستیفاده ائدن بوتون اؤلکه‌لر آراسین‌داکی امکداش‌لیق درین‌لشه‌جک. بو یول ثابت‌لیگه و تهلوکه‌سیزلیگه خیدمت گؤستره‌جک. بو یولون ایستیفاده‌سی زامانی امینم کی، توریزمین اینکیشافی دا گئنیش وسعت آلا‌جاق، توریست‌لرین سایی آرتا‌جاق. طبیعی کی، باکی-تفلیس-قارص دمیر یولونون اوغورلو فعالیتی اؤلکه‌لریمیزین ژئوسیاسی اهمیتینی آرتیرا‌جاق و بیزیم اوچون علاوه ایمکان‌لار یارادا‌جاق".

سونرا گورجوستانین باش ناظیری، قازاخیستانین باش ناظیری، اؤزبکیستانین باش ناظیری چیخیش ائتدی‌لر. تورکیه‌نین باش ناظیری بینالی ییلدیریمین تبریک مکتوبو اوخوندو.

داها سونرا تورکیه جمهور باشقانی رجب طیب اردوغان چیخیش ائتدی. او، بو سؤزلری وورغولادی: "بو گون گلجییمیز اوچون چوخ موهوم آددیم‌لار آتیریق. بو لاییحه ایله آسیا، آوروپا و افریقانی  بیر-بیرینه باغلاییریق".

چیخیش‌لاردان سونرا باکی-تفلیس -قارص دمیر یولونون تیکینتی‌سی ایله باغلی ویدئو نوماییش اولوندو.

بونونلا دا باکی-تفلیس -قارص دمیر یولو خطی ایله حرکت ائدن ایلک یوک قاطاری یولا سالیندی.



ایلگیلی‌لی خبرلر