قرقیزیستاندا جمهورباشقانلیغی سئچیمی

تورکیه جمهوریتی‌نین بیشکئک ائلچیلیگین‌دن وئریلن خبره گؤره، قیرقیزیستاندا 15 اکتبر گونو گئچیریله‌جک جمهورباشقانلیغی سئچیم‌لرینده گؤلمچیلیک ائتمک اوچون ایستانبول میلت وکیلی فیض‌الله قیییقلیق، بورسا میلت وکیلی ارکان آیدین، توکات میلت وکیلی جلیل گؤچر، کایسئری میلت وکیلی امراه قارایئل و عثمانیه میلت وکیلی سوات اؤنال بیشکئکه گئتدی.

3  میلیون قرقیز سئچیجی 15 اکتبر 2017 بازار گونو یئنی جمهورباشقانینی سئچمک اوچون سس وئره‌جک.

قرقیز سئچیجی‌نین قارشی‌سینا چیخماق اوچون 13 نامیزد یوکسک سئچیم قورولوندان اونای آلدی آنجاق حاضردا یاریشا 11 نامیزد داوام ائدیر. اؤلکه‌ده دارتیشمالارا و آچیقلانان سورغولارا باخیلدیغیندا، بو یاریشین اقتدارداکی سوسیال دموکرات پارتینین نامیزدی گئچمیش باشباخان سورون‌بای جئنبئکوو ایله جمهوریت پارتیسی‌نین قوروجو لیدئری و گئچمیش باشباخان عؤموربک بابانوو آراسیندا گئچه‌جیی گؤرونور.

15  اکتبردا گئچیریله‌جک جمهورباشقانلیغی سئچیمینه، 35 ایله 70 یاش آراسیندا اولماق، 15 ایلدیر اؤلکه‌ده یاشاماق، دؤولت دیلی اولان قرقیزجانی بیلمه و قرقیزیستان وطنداشی اولما شرط‌لرینی داشییان 11 نامیزد گیره بیله‌جک. اؤلکه‌ده، 18 یاشینی دولدوران 3 میلیون قرقیزین سس‌وئرمه حاقی وار. 2011ده گئچیریلن سئچیم ایله جمهورباشقانی سئچیلمیش آلمازبک آتامبایئوین وظیفه سوره‌سی 1 دسامبر 2017ده سونا چاتیر.