"یئنی الیفبا قازاق دیلی‌نین اؤیرنیمینی آسانلاشدیراجاق"
نظربایئو، اؤلکه‌سی‌نین لاتین الیفباسینا گئچیشینین تاریخی اؤنم داشیدیغینی سؤیله‌دی
قازاقیستان پرزیدنتی نورسلطان نظربایئو، کیریل الیفباسیندان لاتین الیفباسینا گئچیشین روسجا دانیشان اینسان‌لاری، روس دیلی و باشقا دیل‌لری ائتکیله‌مه‌یه‌جیینی سؤیله‌دی.
نظربایئو، اؤلکه‌سی‌نین لاتین الیفباسینا گئچمه‌سی ایله باغلی گئچیردیگی توپلانتیدا، لاتین الیفباسینا گئچیشین تاریخی اؤنم داشیدیغینی قید ائده‌رک،
"دونیادا هئچ بیر اؤلکه یئنی الیفباسینی خالقی ایله بیزیم قدر دارتیشمامیش‌دیر. هر کسین فیکیرلرینی بیلمک بیزیم اوچون اؤنملی‌دیر" دئدی.
پرزیدنت نظربایئو، لاتین الیفباسینا گئچیش مسئله‌سی ایله باغلی 300دن چوخ تکلیف گلدیگینی بیلدیره‌رک،
"گنج‌لرین ده بونو دستکلمه‌سی جسارت وئریر" دئیه دانیشدی.
یئنی قازاق الیفباسی پروژه‌سی دارتیشمالارینا اؤنده گلن دؤولت قوروم‌لاری و بیلیم انسانلاری‌نین ده فعال شکیلده قاتیلدیغینی دئین نظربایئو، پروژه‌نین حاضیرلانماسیندا دونیا تجروبه‌سی‌نین نظره آلیندیغینی دیله گتیردی.
نظربایئو، دیل ساحه‌سینده اصلاحاتین دیگر دیل‌لرین قالخینماسینا ضرر وئرممه‌سی و اینسان حاق‌لارینی پوزماما‌سی لازیم اولدوغونون وورغولایا‌راق، بئله داوام ائتدی:
"قازاق الیفباسی‌نین لاتین الیفباسینا گئچیشی، هر هانسی بیر شکیلده روس دیلینده دانیشان اینسان‌لارین، روس دیلی و باشقا دیل‌لرین حقوق‌لارینی ائتکیله‌مز. روس دیلی عینی زاماندا ایستیفاده ائدیلمه‌یه داوام ائده‌جک. یئنی الیفبایا گئچیش قازاق دیلی‌نین اؤیرنیمینی آسانلاشدیراجاق".
کیریل الیفباسیندان لاتین الیفباسینا گئچمه‌یه حاضرلاشان قازاقیستان، 2018دن اعتباراً اوخول‌لاردا درس کیتاب‌لاری‌نین لاتین الیفباسیندا باسیلماسینی هدفلییر.
دؤولت باشچی‌سی نورسلطان نظربایئو، 2025.جی ایله قدر بوتون کیتاب‌لاری، یایین و رسمی سندلری لاتین الیفباسیندا یاییملامایی پلانلاشدیردیق‌لارینی آچیقلامیشدی.
ایلگیلی‌لی خبرلر
قیرقیزیستاندا مافیا ماللاری ساتیشا چیخاریلدی
ساتیلان املاک، متشکیل سوچلار و فسادلا موباریزه چرچیوه‌سینده دؤولتین مولکیتینه گئچمیشدی
