قیبریس مذاکره‌لری نتیجه‌سیز قالدی
"ایکی توپلومون لیدئرلرینه ان درین تشکر و مینتدارلیغیمی ایفاده ائتمک، آدانین قوزئیینده و گونئیینده بوتون قیبریس‌لی‌لار اوچون ان یاخشی آرزولاریمی چاتدیرماق ایسته‌ییرم"
بیرلشمیش میلت‌لر تشکیلاتی‌نین باش کاتیبی آنتونیو گوترز، سئویس‌ده 28 ژوئنده باشلایان قیبریس کنفرانسی‌نین هر هانسی بیر نتیجه‌یه واریلما‌دان سونا چاتدیغینی آچیقلادی.
کرانز مونتانا شهرینده تشکیل ائدیلن کنفرانسین سون گونون‌دکی ییغینجاق‌لارا باشقان‌لیق ائدن و ایکی‌لی دانیشیق‌لار حیاتا گئچیرن باش کاتیب آنتونیو گوترز، طرف‌لرله رسمی آخشام یئمیینده بیر آرایا گلدی.
گوترز تخمینا 5 ساعات داوام ائدن یئمک‌لی ییغینجاغین آردین‌دان، "ایکی توپلومون لیدئرلرینه ان درین تشکر و مینتدارلیغیمی ایفاده ائتمک، آدانین قوزئیینده و گونئیینده بوتون قیبریس‌لی‌لار اوچون ان یاخشی آرزولاریمی چاتدیرماق ایسته‌ییرم" دئدی.
ضامن اؤلکه‌لر و آوروپا بیرلیگینه (آب) مینتدارلیغینی ایفاده ائدن گوترز، ایکی طرفین مؤوقعیت‌لرینی یاخین‌لاش‌دیرماق اوچون هر جور چابا گؤسترن بیرلشمیش ملتلر باش کاتیبی‌نین قیبریس اؤزل موشاویری اسپئن بارت اید باشقان‌لیغینداکی بیرلشمیش ملتلر قروپونو دا تقدیر ائتدی.
آنتونیو گوترز، کنفرانسین نتیجه‌سیز قالماسی‌نین قیبریس پروبلئمی‌نین حلینه دایر باشقا جهدلر اولمایاجاغی معناسینی وئرمدیگینی سؤزلرینه علاوه ائتدی.
