"باتی، خوجالی سوی‌قیریمینی گؤزمزدن گلیر"
قورتولموش: تورکیه و آذربایجان خالقی، ایکی دؤولت چاتیسی آلتیندا تک بیر میلتین فردلری اولاراق کدرده و سئوینجده بیر اولماغا، بیرلیکده اولماغا داوام ائده‌جک
باشباخان کؤمکچی‌سی نومان قورتولموش، ارمنیستانین ایشغال ائتدیگی آذربایجان تورپاقلاریندان در حال چئکیلمه‌سی لازیم اولدوغونو سؤیله‌دی.
قورتولموش، خوجالی قتل‌عامی‌نین 25.جی ایل‌دؤنومونه باغلی اولاراق یاییملادیغی مئساژیندا؛
"اولوسلارآراسی توپلوم، 26 فوریه 1992.جی ایلده خوجا‌لیدا یاشانان بو اینسان‌لیق دیشی حقوقسوزلوغا داها چوخ تاماشاچی قالماما‌لی، ارمنیستان ایشغال ائتدیگی آذربایجان تورپاقلاریندان بیر در حال چئکیلمه‌لی‌دیر" ایفاده‌لرینه یئر وئردی.
قورتولموش، مئساژیندا، آذربایجان یوردو خوجا‌لیدا، 25 ایل قاباق ارمنی چته‌لر طرفین‌دن حیاتا گئچیریلن قتل‌عامی نیفرتله قینادیغینی ایفاده ائده‌رک، "اونوتمادیق، اونوتدورمایاجاییق" وورغوسو ائتدی.
هر فورصتده ارمنی ادعا‌لاری‌نین تبلیغاتینی ائتمه‌یی داوام ائتدیرن باتی دونیاسی‌نین، 20.جی عصرین ان وحشی قتل‌عاملاریندان بیری اولان خوجالی سوی‌قیریمینی گؤرممزلیک‌دن گلدیگینی، گؤرممزلیک‌دن گلمه‌یه ده داوام ائتدیگینی وورغولایان قورتولموش، مئساژیندا بون‌لاری قید ائتدی:
"اولوسلارآراسی توپلوم، 26 فوریه 1992.جی ایلده خوجا‌لیدا یاشانان بو اینسان‌لیق خدیشی حقوقسوزلوغا داها چوخ تاماشاچی قالماما‌لی، ارمنیستان ایشغال ائتدیگی آذربایجان تورپاقلاریندان در حال چئکیلمه‌لی‌دیر. تورکیه و آذربایجان خالقی، ایکی دؤولت چاتیسی آلتیندا تک بیر میلتین فردلری اولاراق کدرده و سئوینجده بیر اولماغا، بیرلیکده اولماغا داوام ائده‌جک، قارداشلیغیمیز ابدی سوره‌جک. آذربایجان‌لی قارداش‌لاریمین آجی‌سی‌نین بیزیم آجیمیز اولدوغونو خاطیرلا‌دیر، خوجالی شهیدلریمیزی بیر دفعه داها رحمتله آنیرام."
