اؤزبکیستاندا صادرات یاساغی قالخدی
اؤزبکیستان پرزیدنتی شوکت میرضیایئو طرفیندن ایمضالانان قرارلا، اؤلکهده داها اؤنجه بعضی محصوللارا گتیریلن صادرات قاداغانی قالدیریلدی
اؤزبکیستاندا، آرالاریندا تاخیل، ات و سود محصوللاری، شکر، بیتکی یاغی، دری و ایپک خام مادهلرینین ده اولدوغو بعضی محصوللارین یورد دیشینا صادراتینا ایجازه وئریلدی.
اؤزبکیستان پرزیدنتی شوکت میرضیایئو طرفیندن ایمضالانان قرارلا، اؤلکهده داها اؤنجه بعضی محصوللارا گتیریلن صادرات قاداغانی قالدیریلدی.
میرضیایئو طرفیندن ایمضالانان قرارا گؤره، داها اؤنجه صادراتی قاداغان اولان تاخیل محصوللاری، اون و اون محصوللاری، دانا و تویوق اتی، ات و سود محصوللاری، شکر، بیتکی یاغی، دری، خز (آستراگان دریسی ده داخیل اولماقلا) و یون خام مادهلری، آنتیک اشیالار، رنگلی مئتال آتیقلاری، باراما و ایپک خام مادهسی ایله ایپک آتیقلاری، پلاستیک قابلاما توللانتیلاری بوندان سونرا یورددیشیناصادر ائدیلهبیلهجک.
بو محصوللارین خاریجه ساتیشی اوچون بو محصوللارین صادراتینا باغلی کونتراکتین دؤولت گؤمروک ایدارهلرینه سونولماسی لازیم اولاجاق. قرارین، اؤلکهدکی گیریشیمچیلیگین دستکلنمهسی و ایش اورتامینین یاخشیلاشدیریلماسی مقصدیله آلیندیغی بیلدیریلدی.
اؤزبکیستان حکومتی داها اؤنجه، استراتژیک اؤنم داشییان و یا اؤلکهده ایشلنن و ایچ توکهتیمه آنجاق چاتاجاق محصوللارین خاریجه صادراتینا قاداغان گتیرمیشدی.